തുറവൂർ : ദേശീയപാത വീതികൂട്ടുന്നതിന്റെ ഭാഗമായി തുറവൂർ മഹാക്ഷേത്രത്തിന്‍റെ പൊളിച്ചമതിൽ പുനർനിർമിച്ചുതുടങ്ങി. തുറവൂർ ശ്രീഭവനത്തിൽ ശ്രീകുമാർ പ്രധാനമന്ത്രി നരേന്ദ്രമോദിക്കു നൽകിയ പരാതിയുടെ അടിസ്ഥാനത്തിലാണ് ദേശീയപാതാ അതോറിറ്റി മതിൽനിർമാണമാരംഭിച്ചത്. ക്ഷേത്രക്കുളത്തിനു കിഴക്കുഭാഗത്ത് ദേശീയപാതയോടുചേർന്ന 340 മീറ്റർ മതിലാണ് മാസങ്ങൾക്കുമുൻപ്‌ പൊളിച്ചത്. മതിലിനോടുചേർന്നുള്ള ബസ്ബേയിൽ പാർക്കുചെയ്തിരുന്ന വാഹനങ്ങൾ മാറ്റിച്ചശേഷം മണ്ണുമാന്തി യന്ത്രമുപയോഗിച്ച് മതിൽ തള്ളിമറിക്കുകയായിരുന്നു.
സംഭവം അറിഞ്ഞെത്തിയ ഭക്തരും ഡ്രൈവർമാരും പ്രതിഷേധം രേഖപ്പെടുത്തി. പ്രതിഷേധം കണക്കിലെടുത്ത് ദേശീയപാതാ അതോറിറ്റി, കരാറുകമ്പനി അധികൃതർ സ്ഥലത്തെത്തി പരിശോധന നടത്തുകയും മതിൽകെട്ടിനൽകാമെന്ന്‌ ഉറപ്പുനൽകുകയും ചെയ്തിരുന്നു. എന്നാൽ നടപടിയൊന്നുമായില്ല. ഭക്തരും ദേവസ്വം ബോർഡ് അധികൃതരും കളക്ടർക്കു പരാതി നൽകിയിട്ടും ഫലമുണ്ടായില്ല. തുടർന്നാണ് ശ്രീകുമാർ പ്രധാനമന്ത്രിക്ക് ഇ-മെയിലിൽ പരാതിയയച്ചത്. മതിൽനിർമാണം ഉടനാരംഭിക്കാൻ ദേശീയപാതാ അതോറിറ്റിക്ക് നിർദേശംനൽകിയെന്ന് ശ്രീകുമാറിനു മറുപടിലഭിച്ചു ദിവസങ്ങൾക്കകമാണ് മതിൽപണിയാരംഭിച്ചത്.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
