പട്ന: ബിഹാറിലെ പുതിയ എൻഡിഎ മുഖ്യമന്ത്രിയായി നിതീഷ് കുമാർ അധികാരമേറ്റതിന് ശേഷമുള്ള ആദ്യ മന്ത്രിസഭാ യോഗം ഇന്ന് നടക്കും. മുഖ്യമന്ത്രി നിതീഷ് കുമാറിന്റെ നേതൃത്വത്തിൽ രാവിലെ 11.30-നാണ് യോഗം ചേരുന്നത്. ഉപമുഖ്യമന്ത്രിമാരായ സാമ്രാട്ട് ചൗധരിയും വിജയ് സിൻഹയും മറ്റ് മന്ത്രിമാരും പങ്കെടുക്കുമെന്നും റിപ്പോർട്ടുകൾ ഉണ്ട്. അഡ്വക്കേറ്റ് ജനറലിന്റെ പുതിയ നാമനിർദ്ദേശം സംബന്ധിച്ച് യോഗത്തിൽ തീരുമാനമുണ്ടായേക്കും.
മഹാസഖ്യത്തെ തകർത്ത് കൊണ്ട് കഴിഞ്ഞ ദിവസമാണ് നിതീഷ് കുമാർ മുഖ്യമന്ത്രി സ്ഥാനം രാജിവച്ചത്. ജെഡിയു (ജനതാദൾ യുണൈറ്റ്ഡ്) നിയമസഭാകക്ഷി യോഗത്തിന് ശേഷമാണ് നിതീഷ് രാജി പ്രഖ്യാപിച്ചത്. തുടർന്ന് വൈകുന്നേരം എൻഡിഎ സർക്കാരിന്റെ മുഖ്യമന്ത്രിയായി വീണ്ടും നിതീഷ് കുമാർ ചുമതലയേറ്റു.
