അഫ്ഗാനിസ്ഥാന്‍ : വിദേശ മാധ്യമ പ്രവര്‍ത്തക ലിന്‍ ഒ ഡോണലിനെ താലിബാന്‍ കസ്റ്റഡിയിലെടുത്തു. അഫ്ഗാന്‍ അതിക്രമത്തെ വിമര്‍ശിച്ചതിനാണ് ഭീഷണി. താലിബാന്‍ അധികാരികള്‍ കൗമാരക്കാരായ പെണ്‍കുട്ടികളെ ബലമായി വിവാഹം കഴിക്കുകയും, പെണ്‍കുട്ടികളെ കമാന്‍ഡര്‍മാര്‍ ലൈംഗിക അടിമകളാക്കി ഉപയോഗിക്കുകയും ചെയ്യുന്നുവെന്നാണ് ലിന്‍ ഒ ഡോണല്‍ റിപ്പോര്ട്ട് ഉണ്ടാക്കിയത്.
3 ദിവസത്തോളം തടവില്‍ പാര്‍പ്പിച്ചു. തന്റെ ആരോപണങ്ങള്‍ തെറ്റാണെന്ന് പറയാനും, നിര്‍വ്യാജം ഖേദം പ്രകടിപ്പിക്കാനും തീവ്രവാദ സംഘടന ഭീഷണിപ്പെടുത്തിയതായി ഖാമ പ്രസ് റിപ്പോര്ട്ട് ചെയ്തു. ഭീഷണി ഭയന്ന് ലിന്‍ ക്ഷമാപണവും നടത്തി. ‘താലിബാന്‍ അധികാരികള്‍ കൗമാരക്കാരായ പെണ്‍കുട്ടികളെ ബലമായി വിവാഹം കഴിക്കുകയും, പെണ്‍കുട്ടികളെ കമാന്‍ഡര്‍മാര്‍ ലൈംഗിക അടിമകളാക്കി ഉപയോഗിക്കുകയും ചെയ്യുന്നുവെന്നാരോപിച്ച്‌ എഴുതിയ റിപ്പോര്‍ട്ടുകള്‍ക്ക് ക്ഷമ ചോദിക്കുന്നു’ – ലിന്‍ ഒ ഡോണല്‍ ട്വീറ്റ് ചെയ്തു.
