രാം നിവാസ് നിര്‍മിക്കാന്‍ അയോധ്യയില്‍ സ്ഥലം വാങ്ങി ഗോവ സര്‍ക്കാര്‍ ; പ്രഥമ പരിഗണന ഗോവക്കാര്‍ക്ക്

അയോധ്യ: രാമക്ഷേത്രസന്ദര്‍ശകര്‍ക്കായി ‘രാം നിവാസ്’ നിര്‍മിക്കാന്‍ അയോധ്യയില്‍ സ്ഥലം വാങ്ങി ഗോവ സര്‍ക്കാര്‍. 23.6 കോടി രൂപയ്ക്ക് 3,801 ചതുരശ്രമീറ്റര്‍ (ഏകദേശം 91 സെന്റ്) സ്ഥലമാണ് സര്‍ക്കാര്‍ ഏറ്റെടുത്തത്. സ്ഥലം അനുവദിക്കുന്നതിന്‌ ഉത്തര്‍പ്രദേശ് ഹൗസിങ് ആന്‍ഡ് ഡെവലപ്‌മെന്റ് ബോര്‍ഡ് (യുപിഎച്ച്ഡിബി) തത്വത്തില്‍ അംഗീകാരം നല്‍കി. ഇതിന്റെ അടിസ്ഥാനത്തില്‍ മുഴുവന്‍ തുകയും കൈമാറാന്‍ ഗോവ സര്‍ക്കാര്‍ ഉത്തരവ് ഇറക്കി. രാമക്ഷേത്രം സന്ദര്‍ശിക്കുന്ന ഗോവക്കാര്‍ക്ക് താമസസൗകര്യത്തിനായി ഫൈവ് സ്റ്റാര്‍ ഹോട്ടല്‍ നിര്‍മിക്കാനാണ് സര്‍ക്കാര്‍ ഉദ്ദേശിക്കുന്നത്. രണ്ടുമാസത്തിനകം ഗോവ രാം നിവാസിന്റെ പണി ആരംഭിക്കും. പൊതു- സ്വകാര്യപങ്കാളിത്തത്തോടെയാണ് നിര്‍മാണം പൂര്‍ത്തിയാക്കുക.

ഫൈവ് സ്റ്റാര്‍ ഹോട്ടലില്‍ ഗോവക്കാര്‍ക്ക് കുറഞ്ഞ നിരക്കില്‍ താമസം അനുവദിക്കും. നേരത്തെ ബുക്ക് ചെയ്യുന്നവര്‍ക്ക് 60% ഡിസ്‌കൗണ്ടും നേരിട്ടെത്തി ബുക്ക് ചെയ്യുന്നവര്‍ക്ക് 40% ഡിസ്‌കൗണ്ടുമാണ് അനുവദിക്കുകയെന്ന് ഗോവ മുഖ്യമന്ത്രി പ്രമോദ് സാവന്ത് ഒരു ദേശീയ മാധ്യമത്തോട് പറഞ്ഞു. ഹോട്ടലില്‍ ഗോവക്കാര്‍ക്കായിരിക്കും പ്രഥമ പരിഗണന. മുറികള്‍ ഒഴിഞ്ഞുകിടക്കുന്നെങ്കില്‍ മറ്റുള്ളവര്‍ക്കും അനുവദിക്കും. മഹാകുംഭമേളയ്ക്കായി പ്രമോദ് സാവന്തിന്റെ നേതൃത്വത്തില്‍ മന്ത്രിമാരുടെ സംഘം യുപി സന്ദര്‍ശിച്ചിരുന്നു. ഇതിന് പിന്നാലെയാണ് ഭൂമി ഏറ്റെടുക്കല്‍ നടപടി.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/  mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033