കോന്നി : അതുമ്പുംകുളം വരിക്കാഞ്ഞിലിയിൽ ജനവാസ മേഖലയിൽ ഇറങ്ങിയ കടുവ ആടിനെ ആക്രമിച്ച് കൊന്ന സംഭവത്തിൽ വനപാലകർ തെരച്ചിൽ ശക്തമാക്കി. ഞള്ളൂർ ഉത്തരകുമരംപേരൂർ ഫോറസ്റ്റെഷൻ, കുമ്മണ്ണൂർ ഫോറെസ്റ്റെഷൻ, കോന്നി ഫോറെസ്റ്റ് സ്‌ട്രൈക്കിങ് ഫോഴ്സ് എന്നിവർ സംയുക്തമായാണ് തെരച്ചിൽ നടത്തുന്നത്. ആടിനെ ആക്രമിച്ച് കൊന്നതിന് സമീപത്തെ വനത്തിലും കാട് കയറി കിടക്കുന്ന പറമ്പുകളും കേന്ദ്രീകരിച്ചാണ് തെരച്ചിൽ ശക്തമാക്കിയിരിക്കുന്നത്.
ജനവാസ മേഖലയോട് ചേർന്ന് കിടക്കുന്ന റബ്ബർ തോട്ടങ്ങളിലും മറ്റും കടുവയും മറ്റ് ഹിംസ്ര ജന്തുക്കളും കയറിയിരിക്കാൻ സാധ്യതയുള്ളതിനാൽ ഈ ഭാഗത്തെ കാടുകൾ നീക്കം ചെയ്യണം എന്ന് സ്വകാര്യ ഭൂ ഉടമകൾക്ക് വനംവകുപ്പ് നിർദേശം നൽകിയിരുന്നു. രാത്രി സമയങ്ങളിലും വനം വകുപ്പ് സ്ഥലത്ത് പരിശോധന ശക്തമാക്കിയിട്ടുണ്ട്. ആടിനെ കടുവ കൊന്നതിനെ തുടർന്ന് വനംവകുപ്പ് പ്രദേശത്ത് ക്യാമറ സ്ഥാപിക്കുവാൻ എത്തിയെങ്കിലും നാട്ടുകാരുടെ എതിർപ്പിനെ തുടർന്ന് സാധിച്ചില്ല.
കടുവയെ ആടിന്റെ ഉടമയുടെ അമ്മ നേരിട്ട് കണ്ട സാഹചര്യത്തിൽ കൂട് സ്ഥാപിച്ച് കടുവയെ പിടികൂടണം എന്നായിരുന്നു നാട്ടുകാർ വനപാലകരോട് ആവശ്യപ്പെട്ടത്. എന്നാൽ കൂട് സ്ഥാപിക്കുന്നതിന് ചീഫ് ഫോറസ്റ്റ് വൈൽഡ് ലൈഫ് വാർഡന്റെ പ്രത്യേക അനുമതി ആവശ്യമായതിനാൽ കൂട് സ്ഥാപിക്കാൻ കഴിയാത്ത സ്ഥിതിയിലാണ് അധികൃതർ.
കടുവ ആക്രമിച്ച് കൊന്ന ആടിന്റെ ജഡം പോസ്റ്റ്മോർട്ടത്തിന് ശേഷം സംസ്കരിച്ചിരുന്നതുമില്ല. കൂട് വെക്കുന്നതിനായുള്ള അനുമതിക്കായി കാത്തിരിക്കുകയാണ് വനംവകുപ്പ് അധികൃതർ. എന്നാൽ പ്രദേശത്ത് കടുവയുടെ സാന്നിധ്യം സ്ഥിരീകരിച്ചതോടെ പ്രദേശവാസികളും ഭീതിയിലാണ്. മാത്രമല്ല കടുവ ആടിനെ ആക്രമിച്ചതിന് ദിവസങ്ങൾക്ക് മുൻപ് വന ഭാഗത്ത് നിന്നും കടുവയുടെ ഗർജനം കേട്ടതായി അഭ്യൂഹവും ഉണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
