തിരുവനന്തപുരം : വിദേശനിർമിത വിദേശ മദ്യത്തിന്റെ വില വർധിപ്പിച്ച നടപടി ബെവ്കോ മരവിപ്പിച്ചു. വെയർഹൗസ് മാർജിൻ 15 ശതമാനവും ഷോപ്പ് മാർജിൻ 20 ശതമാനവുമായി നിശ്ചയിച്ചിരുന്നു. ഇതിന്റെ അടിസ്ഥാനത്തിൽ വിദേശനിർമിത വിദേശ മദ്യത്തിന്റെ വില ഗണ്യമായി വർധിച്ചിരുന്നു.
മദ്യക്കമ്പനികൾ വിലവർധന സംബന്ധിച്ച് സർക്കാരിനെ സമീപിച്ചിരുന്നു. എന്നാൽ വില വർധിപ്പിക്കാൻ തീരുമാനിച്ചിട്ടില്ലെന്നും വിലവർധന സംബന്ധിച്ച കരടാണ് പുറത്തുവന്നതെന്നും ബിവറേജസ് കോർപ്പറേഷൻ എം.ഡി. യോഗേഷ് ഗുപ്ത പറഞ്ഞു.
