അബുദാബി : അബുദാബി അന്താരാഷ്ട്ര വിമാനത്താവളം ഇനിമുതൽ സായിദ് അന്താരാഷ്ട്ര വിമാനത്താവളം എന്നറിയപ്പെടും. വെള്ളിയാഴ്ചമുതൽ പുതിയപേര് പ്രാബല്യത്തിലായി. ശൈഖ് സായിദിനോടുള്ള ബഹുമാനാർഥം യു.എ.ഇ. പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാന്റെ നിർദേശപ്രകാരമാണ് പേരുമാറ്റം.
ചരിത്രമുഹൂർത്തം ആഘോഷിക്കുന്നതിന്റെ ഭാഗമായി അബുദാബിയിൽനിന്ന് ചില സ്ഥലങ്ങളിലേക്കുള്ള യാത്രക്കാർക്കായി ഇത്തിഹാദ് പ്രത്യേക ഇളവുകൾ അവതരിപ്പിച്ചു. ഈമാസം 19-നും ജൂൺ 15-നുമിടയിൽ യാത്രചെയ്യുന്നവർക്ക് ഇളവുകൾ ലഭിക്കും. ഇതിനായി ഈമാസം ഒമ്പതിനും 14-നുമിടയിൽ ടിക്കറ്റുകൾ ബുക്ക് ചെയ്യണം.
