പത്തനംതിട്ട: എഐ ക്യാമറാ അഴിമതിയിൽ പിണറായി സർക്കാരിന് എതിരായ ഹൈക്കോടതി പരമാർശനവും പോക്‌സോ കേസിൽ കെപിസിസി പ്രസിഡന്റിനെ പ്രതിയാക്കുവാൻ എം.വി.ഗോവിന്ദൻ നടത്തിയ ഗൂഢാലോചന വെളിച്ചത്താകുകയും ചെയ്തതോടെ സിപിഎം പാർട്ടിയും നേതാക്കളും സംസ്ഥാന സർക്കാരും ജനങ്ങൾക്ക് മുമ്പിൽ അപഹാസ്യരായിരിക്കുകയാണെന്ന് കെപിസിസി ജനറൽ സെക്രട്ടറി അഡ്വ. പഴകുളം മധു പറഞ്ഞു.
സർക്കാരിന്റെ സാമ്പത്തിക കൊള്ളയ്ക്കും യുഡിഎഫ് നേതാക്കൾക്കെതിരായ വ്യാജ കേസിലും ഡിഗ്രി തട്ടിപ്പിലും പ്രതിഷേധിച്ച് യുഡിഎഫ് സംസ്ഥാന വ്യാപകമായി നടത്തിയ സമരപരിപാടികളുടെ ഭാഗമായി നിയോജക മണ്ഡലം കമ്മിറ്റിയുടെ നേതൃത്വത്തിൽ ജില്ലാ ആസ്ഥാനത്ത് നടത്തിയ ജനകീയ സായാഹ്ന സദസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സിപിഎം സംസ്ഥാന സെക്രട്ടറി എം.വി.ഗോവിന്ദൻ അശ്ലീല സെക്രട്ടറിയായി അധ:പതിച്ചിരിക്കുന്നു. ആന്തൂരിൽ ആത്മഹത്യ ചെയ്ത പ്രവാസി വ്യവസായി സാജന്റെ ഭാര്യക്ക് അവിഹിത ബന്ധമുണ്ടെന്ന് ആരോപിച്ച് സ്വന്തം ഭാര്യയെ രക്ഷിക്കാൻ ഇതേപോലെ അശ്ലീല പരാമാർശം നടത്തിയ വ്യക്തിയാണ് എം.വി.ഗോവിന്ദൻ. പിണറായിയുടെ അഴിമതിയെ ചോദ്യംചെയ്യുന്ന കെപിസിസി പ്രസിഡന്റിനും പ്രതിപക്ഷ നേതാവിനും എതിരെ മുഖ്യമന്ത്രിയുടെ ഓഫീസ് കേന്ദ്രീകരിച്ച് വൻ ഗൂഢാലോചനയാണ് നടന്നതെന്നും എന്നാൽ ഇത് ചീട്ടുകൊട്ടാരംപോലെ തകർന്നടിഞ്ഞിരിക്കുകയാണെന്നും പഴകുളം മധു പറഞ്ഞു.
എത്ര കള്ളക്കേസ് ചമച്ചാലും പിണറായിയുടെ അഴിമതിക്കെതിരെ യുഡിഎഫും കോൺഗ്രസും ശക്തമായ പ്രതിരോധം തീർക്കുമെന്നും അദ്ദേഹം പറഞ്ഞു.
യുഡിഎഫ് നിയോജക മണ്ഡലം ചെയർമാൻ ടി.എം.ഹമീദ് അധ്യക്ഷത വഹിച്ചു.
ജില്ലാ ഏകോപന സമിതി കൺവീനർ എ.ഷംസുദ്ദീൻ, കേരള കോൺഗ്രസ് സംസ്ഥാന വൈസ് ചെയർമാൻ ജോൺ കെ. മാത്യൂ, ആർഎസ്പി സംസ്ഥാന കമ്മിറ്റി അംഗം തോമസ് ജോസഫ്, ഫോർവേഡ് ബ്ലോക്ക് ജില്ലാ സെക്രട്ടറി മലയാലപ്പുഴ ശ്രീകോമളൻ, ജെഎസ് .എസ് ജില്ലാ സെക്രട്ടറി പി.കെ.ഗോപാലൻ, യുഡിഎഫ് നേതാക്കളായ ജോർജ് കുന്നപ്പുഴ, എൻ.എ.നൈസാം, എ.സുരേഷ് കുമാർ, സാമുവൽ കിഴക്കുപുറം, ജെറി മാത്യു സാം, കെ.ജാസിംകുട്ടി, ജോൺസ് യോഹന്നാൻ, കെ.ശിവപ്രസാദ്, ടി.എം.സുനിൽകുമാർ, അബ്ദുൾ മുത്തലിഫ്, സിന്ധു അനിൽ, രജനീ പ്രദീപ്, സുനിൽ എസ്. ലാൽ, ദീപു ഉമ്മൻ, ശ്യാം കുരുവിള, കെ.എം.രാജാ, ജി.രഘുനാഥ്, റെനീസ് മുഹമ്മദ്, അബ്ദുൾ കലാം ആസാദ്, കെ.എൻ.രാധാചന്ദ്രൻ, പി.കെ.ഇക്ബാൽ, അജിത്ത് മണ്ണിൽ, എ.അഷറഫ്, ബാബു വർഗീസ്, അൻസിലാൽ മുഹമ്മദ്, എ.സഗീർ എന്നിവർ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
