ഏറ്റുമാനൂർ: പത്തടിയോളം ഉയരമുള്ള കല്കെട്ട് വീടിന് മുകളിലേക്ക് ഇടിഞ്ഞുവീണു. നഗരസഭ 32ആം വാർഡിൽ കാഞ്ഞിരംകാലായിൽ എം.കെ. സെബാസ്റ്റ്യെൻറ വീടാണ് തകർന്നത്. അയൽവാസി കറ്റുവെട്ടിൽ മുഹമ്മദിന്റെ പുരയിടത്തിലെ കൽകെട്ടാണ് ഇടിഞ്ഞത്. വെള്ളിയാഴ്ച രാത്രി ഒമ്പതുമണിയോടെയാണ് സംഭവം.
വീട് പൂര്ണമായും തകര്ന്നനിലയിലാണ്. വീട്ടുപകരണങ്ങള് മണ്ണിനടിയിലായി. അപകടം നടക്കുമ്പോള് സെബാസ്റ്റ്യെന്റ ഭാര്യ അടുക്കളയില് പാചകം ചെയ്യുകയായിരുന്നു. ശബ്ദംകേട്ട് ഓടിമാറിയതിനാല് ദുരന്തം ഒഴിവായി. ആറുലക്ഷം രൂപയുടെ നാശനഷ്ടം ഉണ്ടായതായി വീട്ടുടമ പറഞ്ഞു.
