കവിയൂർ: ശ്രീ ഞാലിയിൽ ഭഗവതി ക്ഷേത്രത്തിലെ തിരുവുത്സവം ജനുവരി 17ശനിയാഴ്ച കൊടിയേറും. ഒന്നാം ദിവസം മുതൽ പകൽ അഖണ്ഡ നാമജപം വിവിധ ഹൈന്ദവ മഹിളാ സമാജങ്ങളുടെ ആഭിമുഖ്യത്തിൽ നടത്തും. കൂടാതെ ഒന്നാം ദിവസം മുതൽ മെഗാ തിരുവാതിര, കൈകൊട്ടിക്കളി തിരുവാതിര സോപാന സംഗീതർച്ചന ഭക്തി ഗാനാർച്ചന, ഭജൻസ്, ചാക്യാർകൂത്ത് തുടങ്ങിയ കലാ പരിപാടികളും നടത്തും. ജനുവരി 25ന് പള്ളിവേട്ട ദിനത്തിൽ രാത്രി 10.30 ന് അപർണ്ണ ബാബു നയിക്കുന്ന വയലിൻ ഫ്യൂഷൻ, 26 ന് ആറാട്ട് ദിനത്തിൽ രാത്രി 9.00 ന് ഫ്ലവേഴ്സ് കേരള അവതരിപ്പിക്കുന്ന ഗാനമേള എന്നിവ ഉണ്ടായിരിക്കും.
ഒന്നാം ദിവസം മുതൽ 8 ദിവസത്തെ പടയണി ചടങ്ങുകൾ ഉണ്ടായിരിക്കുന്നതാണ്. ജനുവരി 22 അടവിയും 24 ന് വലിയ പടയണിയും നടത്തപ്പെടും. പതിവ് ഉത്സവ അടിയന്തിരങ്ങളായ 101 കലം ജനുവരി 24 ശനിയാഴ്ചയും നെയ്തെല്ലൂർ ഇല്ലത്തുനിന്നും താലപ്പൊലി എഴുന്നെള്ളത്ത് ജനുവരി 25ഞായറാഴ്ചയും നടക്കും. തിരുവുത്സവം 26തിങ്കളാഴ്ച ആറാട്ടോടുകൂടി സമാപിക്കും.
