പെരുമ്പാവൂർ : രാത്രി പിക്അപ് വാഹനത്തില് കറങ്ങിനടന്ന് റോഡരികില് കാണുന്ന മോട്ടോര് ബൈക്കുകളുടെ പെട്രോള് ടാങ്ക് മോഷ്ടിക്കുന്നയാള് പിടിയില്.പെരുമ്പാവൂര് പള്ളിക്കവല മൊല്ല വീട്ടില് ഷിജാസിനെയാണ് (31) പോലീസ് പിടികൂടിയത്.ജില്ല പോലീസ് മേധാവി വിവേക് കുമാറിന്റെ നിര്ദേശത്തെ തുടര്ന്ന് നടത്തിയ പ്രത്യേക പട്രോളിങ്ങിനിടയിലാണ് ഇയാളെ അല്ലപ്ര ഭാഗത്തുനിന്ന് അറസ്റ്റ് ചെയ്തത്. ബൈക്ക് മെക്കാനിക്കാണ് പ്രതിയെന്ന് പോലീസ് പറഞ്ഞു.എ.എസ്.പി അനൂജ് പലിവാല്, ഇന്സ്പെക്ടര് ആര്. രഞ്ജിത്, എസ്.ഐമാരായ ഒ.എസ്. രാധാകൃഷ്ണന്, സി.വൈ. ജോയി, എ.എസ്.ഐ എന്.കെ. ബിജു, എസ്.സി.പി.ഒമാരായ പി.എ. അബ്ദുല് മനാഫ്, കെ.എസ്. സാബു, ജിഞ്ചു കെ. മത്തായി എന്നിവരാണ് പ്രതിയെ പിടികൂടിയത്.
