കടമ്പനാട്‌ : കടമ്പനാട്‌ വില്ലേജില്‍ ഓഫീസര്‍ ഇല്ലാതായിട്ട്‌ മാസങ്ങള്‍. ഒരു വര്‍ഷമായി ഇവിടെ സ്ഥിരം വില്ലേജ്‌ ഓഫീസര്‍ ഇല്ല. സമീപ വില്ലേജുകളിലെ ഓഫീസര്‍മാര്‍ക്ക്‌ ചുമതല നല്‍കിയിരിക്കുകയാണ്‌. നേരത്തേ ഇവിടെയുണ്ടായിരുന്ന ഓഫീസര്‍ ഏനാത്ത്‌ വില്ലേജിലേക്ക്‌ സ്ഥലം മാറ്റപ്പെട്ടു. പകരംവന്ന ഓഫീസര്‍ നീണ്ട അവധിയില്‍ പ്രവേശിച്ചതോടെയാണ്‌ കാര്യങ്ങള്‍ അവതാളത്തിലായത്. പിന്നീട്
കടമ്പനാടിന്‍റെ ചുമതല പള്ളിക്കല്‍ വില്ലേജ്‌ ഓഫീസര്‍ക്ക്‌ കൈമാറുകയും ചെയ്‌തു. അധിക ചുമതല ആയതിനാല്‍ വില്ലേജ്‌ ഓഫീസര്‍ക്ക്‌ സ്വന്തം ഓഫീസിലെ കാര്യങ്ങള്‍ തന്നെ നിര്‍വഹിക്കാന്‍ സമയം കിട്ടുന്നില്ല. ഓണ്‍ലൈന്‍ സേവനങ്ങള്‍ക്ക്‌ ഉള്‍പ്പെടെ കാലതാമസം നേരിടുന്നെന്നാണ്‌ നാട്ടുകാരുടെ പരാതി. ബാങ്ക്‌ വായ്‌പകള്‍ക്കും വീടു നിര്‍മിക്കാനും വേണ്ട ചില രേഖകള്‍ക്ക്‌ വില്ലേജ്‌ ഓഫീസറുടെ നേരിട്ടുള്ള സേവനം ആവശ്യമാണ്‌. ഇതിനായി കടമ്പനാട്ടുകാര്‍ ഏനാത്ത്‌, പള്ളിക്കല്‍ വില്ലേജ്‌ ഓഫീസിലേക്ക്‌ പോകേണ്ട സ്ഥിതിയാണ്‌. മറ്റ്‌ വില്ലേജ്‌ ഓഫീസര്‍മാര്‍ക്ക്‌ അധിക ചുമതല നല്‍കുന്നത്‌ അവര്‍ സ്ഥിരമായി സേവനം ചെയ്യുന്ന വില്ലേജ്‌ ഓഫീസുകളുടെ പ്രവര്‍ത്തനത്തെയും ബാധിക്കുന്നുണ്ട്‌. ഒരു വര്‍ഷമായി ജനം ബുദ്ധിമുട്ടിലായ വിവരം ജില്ലാ കലക്‌ടറെ അടക്കം ധരിപ്പിച്ചെങ്കിലും ഒരു നടപടിയുമുണ്ടായിട്ടില്ല.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
