തിരുവനന്തപുരം: കോണ്‍ക്രീറ്റ് പണി നടക്കുന്ന സ്ഥലത്ത് മണ്ണിടിഞ്ഞുവീണു. തൊഴിലാളികള്‍ തലനാരിഴക്ക് രക്ഷപെട്ടു. മലയിന്‍കീഴ് പോസ്റ്റ് ഓഫിസിന് എതിര്‍വശത്തെ സ്വകാര്യഭൂമിയിലാണ് വ്യാഴാഴ്ച വൈകീട്ട് നാലോടെ 25 അടിയോളം ഉയരത്തില്‍നിന്ന് വൻ ശബ്ദത്തോടെ മണ്ണിടിഞ്ഞുവീണത്. ഈ സമയം സമീപത്തെ കെട്ടിടങ്ങള്‍ കുലുങ്ങിയതായി സമീപവാസികള്‍ പറഞ്ഞു. പരിഭ്രാന്തരായി ഓടിയെത്തിയവര്‍ കണ്ടത് 50 കിലോയിലധികം ലോഡ് വരുന്ന മണ്ണ് ഇടിഞ്ഞുകിടക്കുന്നതാണ്. 17 തൊഴിലാളികള്‍ ഈ സമയം ഭക്ഷണം കഴിക്കാന്‍ പുറത്തുപോയതിനാൽ ആളപായം ഒഴിവായി. മാസങ്ങളായി സ്ഥലത്ത് വന്‍തോതില്‍ മണ്ണെടുക്കുകയായിരുന്നു. മണ്ണ് നീക്കം ചെയ്ത സ്ഥലത്തെ അതിരുകള്‍ ബലപ്പെടുത്താന്‍ കോണ്‍ക്രീറ്റ് ചെയ്യുന്നതിനിടിയിലായിരുന്നു അപകടം. നാല് ലക്ഷം രൂപയുടെ പണിസാധനങ്ങള്‍ മണ്ണിനടിയില്‍പോയതായി തൊഴിലാളികള്‍ പറഞ്ഞു. തിരുമല സ്വദേശിയും സ്വകാര്യ പണമിടപാട് സ്ഥാപന ഉടമയുമായ ശിവന്‍റേതാണ് ഭൂമി. ഷോപ്പിങ് മാളിന് പാര്‍ക്കിങ് സ്ഥലമൊരുക്കാൻ മണ്ണ് നീക്കുകയായിരുന്നെന്ന് ഉടമ പറഞ്ഞു. മണ്ണിടിയുന്ന സാഹചര്യത്തില്‍ സമീപത്തെ കെട്ടിടങ്ങൾ അപകടഭീഷണിയിലാണ്.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) ഇപ്പോള്‍ പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്‍ത്തകള്‍ ക്ഷണനേരം കൊണ്ട് ലോഡാകുവാന്‍ ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്‌. മറ്റു വാര്‍ത്താ ആപ്പുകളില്‍ നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്‍ത്തകള്‍ തങ്ങള്‍ക്കു വേണമെന്ന് ഓരോ വായനക്കാര്‍ക്കും തീരുമാനിക്കാം. ഒരു ദിവസത്തെ വാര്‍ത്തകള്‍ മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല്‍ മീഡിയാകളിലേക്ക് വാര്‍ത്തകള്‍ അതിവേഗം ഷെയര്‍ ചെയ്യാനും സാധിക്കും. അരോചകമായ പരസ്യങ്ങള്‍ ഉണ്ടാകില്ല. ഇന്റര്‍നെറ്റിന്റെ പോരായ്മകള്‍ ആപ്പിന്റെ പ്രവര്‍ത്തനത്തെ ബാധിക്കില്ല. തികച്ചും സൌജന്യമായാണ് വാര്‍ത്തകള്‍ ലഭിക്കുന്നത്.
