കൊച്ചി : കണ്ണിന്റെ ആരോഗ്യം നിലനിര്ത്തണമെങ്കില് ഇതിന് സഹായകമായ ഭക്ഷണക്രമം നാം പിന്തുടരേണ്ടതുണ്ട്. അതിനായി മുട്ട, ക്യാരറ്റ് , ആല്മണ്ടും നട്സ്, മീന് ഇവയൊക്കെ ഭക്ഷണത്തില് ഉള്പ്പെടുത്താം. ഇവ എങ്ങനൊക്കെ കാഴ്ച ശക്തിയെ സഹായിക്കുന്നുവെന്ന് നോക്കാം.
1. മുട്ട :
മുട്ടയില് അടങ്ങിയിരിക്കുന്ന ല്യുടെയ്ന്, വൈറ്റമിന് എ എന്നിവയടക്കമുള്ള വൈറ്റമിനുകളും പോഷണങ്ങളും കണ്ണിന്റെ ആരോഗ്യത്തിന് നല്ലതാണ്. പാകം ചെയ്തോ പച്ചയ്ക്കോ ഒക്കെ മുട്ട കഴിക്കാവുന്നതാണ്. കണ്ണുകളിലെ റെറ്റിനയിലുള്ള സൂക്ഷ്മരക്തവാഹിനികളെ സംരക്ഷിക്കാനും ഇത് സഹായിക്കുന്നു.
3. ക്യാരറ്റ് :
സാലഡ്, ജ്യൂസ്, തോരന് എന്നിങ്ങനെ പല തരത്തില് ഭക്ഷണത്തില് ഉള്പ്പെടുത്താവുന്നതാണ് കാരറ്റ്. കാരറ്റില് വൈറ്റമിന് എയ്ക്ക് പുറമേ ബീറ്റ കരോട്ടിനും അടങ്ങിയിരിക്കുന്നു. ഇത് കണ്ണുകളിലെ അണുബാധയെയും മറ്റ് ഗുരുതരമായ നേത്രപ്രശ്നങ്ങളെയും തടയുന്നു.
4. ആല്മണ്ടും നട്സും :
കണ്ണുകളുടെ ആരോഗ്യത്തിന് ഏറ്റവും സഹായകമായ പോഷണങ്ങളാണ് വൈറ്റമിന് ഇയും ഒമേഗ ഫാറ്റി ആസിഡും. ഇത് രണ്ടും അടങ്ങിയിരിക്കുന്നതിനാല് ആല്മണ്ടും നട്സുമെല്ലാം കാഴ്ചശക്തിക്ക് ഉത്തമമാണ്. എന്നാല് ഇവയില് കാലറിയും അധികമായിരിക്കുന്നതിനാല് ചെറിയ അളവില് മാത്രം ഭക്ഷണത്തില് ഉള്പ്പെടുത്തുക.
5. മീന് :
ചിക്കനും ബീഫിനുമെല്ലാം പകരം കടല് മത്സ്യങ്ങള് ഭക്ഷണക്രമത്തിന്റെ ഭാഗമാക്കുന്നത് കണ്ണിന്റെ ആരോഗ്യത്തെ സഹായിക്കും. മീനില് അടങ്ങിയിരിക്കുന്ന ഒമേഗ-3 ഫാറ്റി ആസിഡാണ് കാഴ്ചശക്തി മെച്ചപ്പെടുത്തുന്നത്. സസ്യഹാരികള്ക്ക് മീന് എണ്ണ സപ്ലിമെന്റുകളായും ഇത് കഴിക്കാം.
