കണ്ണൂര്‍: ജില്ലാപഞ്ചായത്ത് തില്ലങ്കേരി ഡിവിഷന്‍ തെരഞ്ഞെടുപ്പില്‍ കള്ളവോട്ടും, ബൂത്തു പിടിത്തവും ഒഴിവാക്കാന്‍ ശക്തമായ നടപടി എടുക്കാനാവശ്യപ്പെട്ട് തെരഞ്ഞെടുപ്പു കമ്മീഷന് ഹൈക്കോടതി ഉത്തരവ്.വോട്ടെടുപ്പ് സമയത്ത് 64 ബൂത്തുകളിലും അകത്തും പുറത്തും വീഡിയോ ചിത്രീകരണം ഉണ്ടാകണം. തെരഞ്ഞെടുപ്പ് കമ്മീഷന് നിര്‍ദ്ദേശിച്ച തിരിച്ചറിയല്‍ കാര്‍ഡ് ഇല്ലാത്ത ആരെയും ബൂത്തില്‍ പ്രവേശിപ്പിക്കരുതെന്നും ഹൈക്കോടതി കര്‍ശന നിര്‍ദ്ദേശം നല്‍കിയിട്ടുണ്ട് .വ്യാഴാഴ്ചയാണ് തില്ലങ്കേരി ഡിവിഷന്‍ തെരഞ്ഞെടുപ്പ്.
64 ബൂത്തുകളില്‍ സുരക്ഷ ഭീഷണി നിലനില്‍ക്കുന്നു . അതിനാല്‍ ആവശ്യത്തിന് പോലീസ് ഉദ്യോഗസ്ഥരെ നിയോഗിക്കാനും കോടതി ഇടക്കാല ഉത്തരവില്‍ വ്യക്തമാക്കി. യുഡിഎഫ് സ്ഥാനാര്‍ഥി ലിന്‍ഡ ജെയിംസിന്‍റെ തെരഞ്ഞെടുപ്പ് ഏജന്‍റ് നല്‍കിയ ഹര്‍ജിയിലാണ് നടപടി
