പത്തനംതിട്ട : തിരുവല്ല വളഞ്ഞവട്ടത്ത് ചതുപ്പിൽ മരിച്ച നിലയിൽ കണ്ടെത്തിയ പെൺകുഞ്ഞിന്റെ ആന്തരികാവയവങ്ങൾ രാസ പരിശോധനക്കയച്ചു. രാസപരിശോധനാ ഫലം ലഭിക്കാൻ ഒരാഴ്ചയെടുക്കും. ചതുപ്പിലെ വെള്ളവും എഫ്എസ്എൽ പരിശോധനക്കയച്ചിട്ടുണ്ടെന്ന് പോലീസ് പറഞ്ഞു. ഇതിന് ശേഷം അന്തിമ പോസ്റ്റ്മോർട്ടം റിപ്പോർട്ട് ലഭിക്കും. മൃതദേഹത്തിന് മൂന്ന് ദിവസത്തിലധികം പഴക്കമുണ്ടെന്നാണ് പ്രാഥമിക പോസ്റ്റ്മോർട്ടം റിപ്പോർട്ട് പറയുന്നത്. മരിച്ചത് ആറ് മാസം പ്രായമുളള കുട്ടിയല്ല ഏഴ് മാസം പ്രായമുള്ള പെൺകുഞ്ഞാണെന്നും റിപ്പോർട്ട് വ്യക്തമാക്കുന്നു. സംഭവത്തിൽ പോലീസ് അന്വേഷണം ഊർജ്ജിതമാക്കി. കുട്ടി മരണപ്പെട്ടശേഷം മൃതദേഹം ഉപേക്ഷിച്ചതാകാമെന്നാണ് പോലീസ് കരുതുന്നത്. സംഭവ സ്ഥലത്തിന് സമീപത്തുള്ള സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്.
എന്നാൽ വ്യക്തമായ തെളിവ് പോലീസിന് ലഭിച്ചിട്ടില്ല. മരണ ശേഷം കുഞ്ഞിനെ ഉപേക്ഷിച്ചതാണോ എന്നും പോലീസ് പരിശോധിക്കുന്നുണ്ട്. കൊലപാതകമെന്നതിന് വ്യക്തമായ തെളിവ് ലഭിച്ചില്ലെന്ന് ഡോക്ടർമാർ പോലീസിനെ അറിയിച്ചു. കാൽപ്പാദങ്ങളും ഒരു കൈപ്പത്തിയും നഷ്ടപ്പെട്ടത് മരണശേഷമാണെന്നും ഏതെങ്കിലും ജീവിയുടെ ആക്രമണത്തിൽ നഷ്ടപ്പെട്ടതാകാമെന്നുമാണ് നിഗമനം. കോട്ടയം മെഡിക്കൽ കോളേജ് ആശുപത്രിയിലായിരുന്നു പോസ്റ്റുമോർട്ടം നടന്നത്. ശനിയാഴ്ച വൈകിട്ട് അഞ്ചു മണിയ്ക്കാണ് തിരുവല്ല വളഞ്ഞവട്ടത്ത് പെൺകുഞ്ഞിൻ്റെ മൃതദേഹം കണ്ടെത്തിയത്. പരിശോധന ഫലം വന്നതിന് ശേഷം മാത്രമേ യഥാർത്ഥ മരണകാരണം വ്യക്തമാകൂ എന്ന് പോലീസ് പറഞ്ഞു. തിരുവല്ല ഡിവൈഎസ്പിയുടെ നേതൃത്വത്തിലുളള പ്രത്യേക സംഘമാണ് കേസ് അന്വേഷിക്കുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
