കൊച്ചി : തൃക്കാക്കര നഗരസഭാധ്യക്ഷ അജിതാ തങ്കപ്പന് നല്കിയ ഹര്ജി ഹൈക്കോടതി ഇന്ന് പരിഗണിക്കും. നഗരസഭാധ്യക്ഷ കോടതിയെ സമീപിച്ചത് തന്റെ ജീവന് പ്രതിപക്ഷ കൗണ്സിലര്മാരില് നിന്നും ഭീഷണിയുണ്ടെന്ന് ചൂണ്ടിക്കാട്ടിയാണ്. തന്നെ തടഞ്ഞുവച്ച് പ്രതിപക്ഷ കൗണ്സിലര്മാര് കൈയ്യേറ്റം ചെയ്തതായും ഹര്ജിയില് പറയുന്നു.പോലീസ് സംരക്ഷണം തേടി സമര്പ്പിച്ച ഹര്ജിയാണ് കോടതി ഇന്ന് പരിഗണിക്കുക.
കൂടാതെ പോലീസ് ഹൈക്കോടതി ഉത്തരവ് പാലിക്കുന്നില്ലെന്നും ഹര്ജിയില് പറയുന്നുണ്ട്. നഗരസഭയുടെ സുഗമമായ നടത്തിപ്പിനാവശ്യമായ സുരക്ഷ ഒരുക്കണമെന്നായിരുന്നു ഹൈക്കോടതി ഉത്തരവ്. ഹര്ജി പരിഗണിക്കുക ജസ്റ്റിസ് ദേവന് രാമചന്ദ്രന്റെ സിംഗിള് ബഞ്ചാണ്. നഗരസഭാധ്യക്ഷ ഹൈക്കോടതിയില് ഹര്ജി നല്കിയത് പണക്കിഴി വിവാദത്തില് പ്രതിപക്ഷത്തിന്റെ പ്രതിഷേധം തുടരുന്നതിനിടെയാണ് .
സര്ക്കാരിനോട് ഹൈക്കോടതി തൃക്കാക്കര നഗരസഭയുടെ പ്രവര്ത്തനം തടസപ്പെട്ട സംഭവത്തില് വിശദീകരണം തേടിയിരുന്നു .സര്ക്കാരിനോട് വിശദമായ സത്യവാങ്മൂലം നല്കാന് കോടതി നിര്ദേശം നല്കിയിരുന്നു
