തൃശൂര്: തൃശൂര് കൊടകര വെള്ളിക്കുളങ്ങരയില് മിന്നല് ചുഴലി. ചുഴലിക്കാറ്റില് മരങ്ങള് കടപുഴകി. കൊപ്ലിപ്പാടം, കൊടുങ്ങ മേഖലയില് ശക്തമായ കാറ്റുവീശി. വ്യാപകമായി കൃഷിനാശമുണ്ടായി. നിരവധി വാഴകള് നശിച്ചു. അതേസമയം ആളപായം റിപ്പോര്ട്ട് ചെയ്തിട്ടില്ല. സംസ്ഥാനത്ത് പത്തനംതിട്ടയിലും ഇടുക്കിയിലും ഇന്നും നാളെയും ശക്തമായ മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
ഇടുക്കിയിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇന്നും നാളെയും ഈ രണ്ട് ജില്ലകളിലും മഴ സജീവമാകുമെന്നാണ് പ്രവചനം. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഇന്നും നാളെയും ഇടി മിന്നലോട് കൂടിയ വേനല് മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. മധ്യ-തെക്കന് കേരളത്തിലും പാലക്കാട്, വയനാട് ജില്ലകളിലും കിഴക്കന് മേഖലകളിലുമാണ് മഴയ്ക്ക് കൂടുതല് സാധ്യതയെന്ന് കാലാവസ്ഥാ വിദഗ്ദ്ധര് അറിയിച്ചു.