പത്തനംതിട്ട : ടിപ്പര്‍ മറിഞ്ഞ് സ്‌കൂട്ടര്‍ യാത്രികന് പരിക്ക്‌. പാറയുമായി വന്ന ടിപ്പര്‍ ലോറി നിയന്ത്രണം വിട്ടു മറിഞ്ഞത് സ്‌കൂട്ടറിന് മുകളിലേക്ക്. സ്‌കൂട്ടര്‍ തവിടുപൊടിയായി. പാറക്കല്ലുകള്‍ക്ക് അടിയില്‍പ്പെട്ട യാത്രക്കാരന്‍ പരുക്കുകളോടെ രക്ഷപെട്ടു. പ്രക്കാനം തോട്ടുപുറം കള്ളിമല ചിറക്കടവില്‍ പി.എസ്. സാമുവലിനാ(65)ണ് പരിക്കേറ്റത്. തോട്ടപുറം തൂക്കുപാലത്ത് ബജിക്കട നടത്തുകയാണ് ഇദ്ദേഹം.
പത്തനംതിട്ട-ഓമല്ലൂര്‍ റോഡില്‍ കുളം ജങ്ഷനില്‍ ഉച്ചയ്ക്ക് 12 മണിയോടെയാണ് അപകടം. സാമുവല്‍ പത്തനംതിട്ട ഭാഗത്തേക്ക് പോവുകയായിരുന്ന എതിരേ വന്ന ലോറി നിയന്ത്രണം വിട്ട് സ്‌കൂട്ടറിന് മുകളിലേക്ക് മറിയുകയായിരുന്നു. പാറക്കല്ലുകള്‍ വീണ് സ്‌കൂട്ടര്‍ തവിടുപൊടിയായി. സാമുവല്‍ പാറയ്ക്ക് അടിയില്‍പ്പെട്ടു. പോലീസും ഫയര്‍ ഫോഴ്‌സും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തി. മറിഞ്ഞ ലോറി ക്രെയിന്‍ ഉപയോഗിച്ച്‌ ഉയര്‍ത്തി ഡ്രൈവറെ രക്ഷിച്ചു. ആശുപത്രിയിലേക്ക് മാറ്റി. സാമുവലിന് ഗുരുതരമായ പരുക്കില്ലെന്നാണ് ആശുപത്രിയില്‍ നിന്ന് ലഭിച്ച വിവരം. പത്തനംതിട്ട-ഓമല്ലൂര്‍ റോഡില്‍ ഒരു മണിക്കൂറോളം ഗതാഗതം തടസപ്പെട്ടു. ഷട്ടര്‍ മുക്ക്, പുത്തന്‍പീടിക, ഓമല്ലൂര്‍ കുരിശടി ജങ്ഷന്‍, സന്തോഷ് മുക്ക് എന്നിവിടങ്ങളില്‍ നിന്ന് വാഹനഗതാഗതം വഴി തിരിച്ചു വിട്ടു.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും ഓണ്‍ലൈന്‍ ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില്‍ ആയിരിക്കും ജോലി ചെയ്യേണ്ടത്. ശമ്പളം തുടക്കത്തില്‍ 15000 രൂപാ പ്രതിമാസം ലഭിക്കും. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
