പത്തനംതിട്ട : അയ്യപ്പസ്വാമിക്ക് സാമ്പ്രദായിക ഭജന കാണിക്കയർപ്പിച്ച് പുല്ലാട് ശ്രീവിഗ്നേശ്വര ഭജനസംഘം. നാമസങ്കീർത്തനം എന്ന് പേരിട്ട ഭജനാലാപനം ദർശനത്തിനെത്തിയ അയ്യപ്പ തീർത്ഥാടകർക്ക് നല്ല വിരുന്നായി. പരമ്പരാഗത ഭജനപ്പാട്ടുകളാണ് ഗായകസംഘം ആലപിച്ചത്. ഒപ്പം പ്രസിദ്ധങ്ങളായ അയ്യപ്പ ഭക്തി ഗാനങ്ങളും സംഘം ആലപിച്ചു.
പ്രമുഖ ഭജന ഗായകൻ പുല്ലാട് സതീഷ് ചന്ദ്രൻ നേതൃത്വം നൽകുന്ന സംഘത്തിന്റെ എട്ടാമത്തെ പരിപാടിയായിരുന്നു സന്നിധാനത്ത് അരങ്ങേറിയത്. കണ്ണൻ റാന്നി, പ്രസാദ് വള്ളം കുളം, ബാലമുരളി ആറന്മുള, ഗണേഷ് തിരുവല്ല, ആർ എൽ വി സനോജ് പുറമറ്റം എന്നിവർ ഭജനകളാലപിച്ചു. വിജയൻ ഹാർമോണിയം , പ്രകാശ് പുല്ലാട് ഡോലക് , അമൽജിത് പുറമറ്റം ഗഞ്ചിറ എന്നിവർ പക്കമേളമൊരുക്കി.
