ആലുവ: പോലീസ് സ്റ്റേഷന് മുന്നിലെ ആല്‍മരത്തില്‍ കയറി ട്രാന്‍സ്‌ജെന്‍റര്‍ യുവതി ആത്മഹത്യാശ്രമം നടത്തി. അന്ന എന്ന ട്രാന്‍സ്‍ജെന്‍ററാണ് ആത്മഹത്യാശ്രമം നടത്തിയത്. തന്നെ അപമാനിച്ചവര്‍ക്ക് എതിരെ പോലീസില്‍ പരാതിപ്പെട്ടിട്ടും നടപടി ഉണ്ടാകാത്തതില്‍ പ്രതിഷേധിച്ചായിരുന്നു ആത്മഹത്യാശ്രമം.
പരാതിയില്‍ നടപടിയെടുക്കുമെന്ന് പോലീസ് ഉറപ്പുനല്‍കിയതോടെ ഫയര്‍ഫോഴ്‍സ് എത്തി അന്നയെ താഴെയിറക്കി. പരാതി ബോക്സില്‍ ഇടാന്‍ ആവശ്യപ്പെട്ടത് അവരെ അപമാനിച്ചതായി തെറ്റിദ്ധരിച്ചതാകാമെന്ന് പോലീസ് പറഞ്ഞു. കൊവിഡ് ആയതിനാലാണ് പരാതി നേരിട്ട് സ്വീകരിക്കാത്തതെന്നും പോലീസ് വിശദീകരിച്ചു.
