ഇടുക്കി: ഇടുക്കിയില് കനത്ത മഴയിലും കാറ്റിലും മരം വീണുണ്ടായ അപകടത്തില് മൂന്ന് പേര് മരിച്ചു.
മൂന്ന് പേര്ക്ക് പരിക്കേറ്റിട്ടുണ്ട്. ഉടുമ്പന്ചോല താലൂക്കില് നെടുങ്കണ്ടത്തിന് സമീപം മൈലാടുംപാറ, പൊന്നാങ്കാണി, പൂപ്പാറയ്ക്ക് സമീപം തോണ്ടിമല എന്നിവിടങ്ങളിലാണ് മരം വീണ് അപകടമുണ്ടായത്.
മൈലാടുംപാറ സ്വദേശി മുത്തുലക്ഷ്മി, ചുണ്ടല് സ്വദേശിനി ലക്ഷ്മി, ജാര്ഖണ്ഡ് സ്വദേശി സോമു ലക്ര എന്നിവരാണ് മരിച്ചത്. കഴിഞ്ഞ കുറച്ചുദിവസമായി തുടരുന്ന മഴയില് സംസ്ഥാനത്ത് കനത്ത നാശനഷ്ടമാണ് റിപ്പോര്ട്ട് ചെയ്തിരിക്കുന്നത്.
