വയനാട്: നടവയലില് വീണ്ടും കാട്ടാനയുടെ ആക്രമണം. കാട്ടാനയുടെ ആക്രമണത്തില് ഒരു സ്ത്രീ മരിച്ചു. നടവയല് നെയ്ക്കുപ്പ സ്വദേശിനി ഗംഗാദേവി(48) ആണ് ആക്രമണത്തില് മരിച്ചത്. വീടിന് സമീപത്തെ വനാതിര്ത്തിയോട് ചേര്ന്നാണ് ആനയുടെ ആക്രമണം ഉണ്ടായത്. എന്നാല് അതേസമയം വനഭൂമിയുമായി അതിര്ത്തി പങ്കിടുന്ന പ്രദേശമാണിത്. അതുകൊണ്ട് തന്നെ ഇവിടെ കാട്ടാനശല്യം രൂക്ഷമാണെന്നാണ് നാട്ടുകാര് പറയുന്നത്.
