കുവൈത്ത്‌ സിറ്റി : കുവൈത്തിൽ മലയാളി യുവാവിനെ താമസ സ്ഥലത്ത്‌ മരിച്ച നിലയിൽ കണ്ടെത്തി. ചങ്ങനാശ്ശേരി തൃക്കൊടിത്താനം അമര സ്വദേശി പുല്ലമ്പലവിൽ ബിബിൻ (23)ആണ് കഴിഞ്ഞ ദിവസം മംഗഫിലെ താമസിക്കുന്ന കെട്ടിടത്തിൽ മരിച്ച നിലയിൽ കണ്ടെത്തിയത്‌. സ്വകാര്യ കമ്പനിയിലെ ജീവനക്കാരനായിരുന്നു. തൃക്കൊടിത്താനം പുല്ലമ്പലവിൽ ബിനുകുമാർ – മിനി ദമ്പതികളുടെ മകനാണ്. അസ്വാഭാവിക മരണത്തിന് പോലീസ് കേസെടുത്തു. മൃതദേഹം ഫോറൻസിക്‌ പരിശോധനക്കായി കൊണ്ടു പോയി. മൃതദേഹം നാട്ടിലേക്ക്‌ കൊണ്ടു പോകുന്നതിനുള്ള നടപടിക്രമങ്ങൾ കെ.കെ.എം.എ.മാഗ്നറ്റ്‌ ടീമിന്റെ നേതൃത്വത്തിൽ നടന്നു വരുന്നു.
