ഇടുക്കി : ഇടുക്കിയില് വണ്ണാപുരം പഞ്ചായത്തിലെ ഒന്ന്, രണ്ട്, നാല്, 17 എന്നീ വാര്ഡുകളില് ട്രിപ്പിള് ലോക്ക്ഡൗണ് ഏര്പ്പെടുത്തി. വെള്ളിയാഴ്ച രാവിലെ ആറ് മുതല് ഒരാഴ്ചത്തേക്കാണ് ട്രിപ്പിള് ലോക്ക്ഡൗണ് പ്രഖ്യാപിച്ചിട്ടുള്ളത്. ആശുപത്രികള്, പാചകവാതകം, പെട്രോള് ബങ്കുകള്, അവശ്യവസ്തുക്കള് തുടങ്ങിയവക്ക് പ്രവര്ത്തിക്കാം. ദീര്ഘദൂര വാഹനങ്ങള് ഈ സ്ഥലപരിധികളില് നിര്ത്താന് പാടില്ലെന്ന് ജില്ലാഭരണകൂടം കര്ശന നിര്ദ്ദേശം നല്കിയിട്ടുണ്ട്. ജില്ലയില് 27 പേര്ക്കാണ് കഴിഞ്ഞ ദിവസം സമ്പര്ക്കത്തിലൂടെ രോഗം സ്ഥിരീകരിച്ചത്.
