തിരുവനന്തപുരം : വിമാനത്താവളം അദാനി ഗ്രൂപ്പിന് പാട്ടത്തിന് നല്കാനുള്ള നടപടികള് ഹൈക്കോടതി സ്റ്റേ ചെയ്തില്ല. സര്ക്കാരിന്റെ ആവശ്യം ഹൈക്കോടതി അംഗീകരിച്ചില്ല. നിലവില് ഹൈക്കോടതിയുടെ പരിഗണനയിലുള്ള കേസില് ഉത്തരവുണ്ടാകും വരെ കൈമാറ്റം സ്റ്റേ ചെയ്യണമെന്നായിരുന്നു സര്ക്കാരിന്റെ ആവശ്യം. കേസ് സെപ്റ്റംബര് 15ന് പരിഗണിക്കും.
വിമാനത്താവളം കൈമാറാനുള്ള നടപടി സ്റ്റേ ചെയ്യണമെന്ന് ആവശ്യപ്പെട്ട് കഴിഞ്ഞ വര്ഷം സര്ക്കാര് ഹൈക്കോടതിയെ സമീപിച്ചിരുന്നു. എന്നാല് ഹര്ജി വളരെ നേരത്തെയാണെന്ന് കാണിച്ച് ഹൈക്കോടതി ഈ ആവശ്യം തള്ളുകയായിരുന്നു. ഇതിനെതിരായ സര്ക്കാരിന്റെ അപ്പീലില് ഹര്ജിയിലാണ് വീണ്ടും പരിഗണിക്കാന് സുപ്രീം കോടതി ഹൈക്കോടതിക്ക് നിര്ദേശം നല്കിയത്. ഹൈക്കോടതിയുടെ പരിഗണനയിലുള്ള ഈ കേസില് ഉത്തരവ് ഉണ്ടാകുന്നതു വരെ തുടര്നടപടികള് സ്റ്റേ ചെയ്യണമെന്നാണ് സര്ക്കാര് ഹൈക്കോടതിയെ അറിയിച്ചത്.
