മൈലപ്ര : യു.ഡി.എഫ് സര്ക്കാരിന്റെ കാലത്തെ പ്രതാപത്തിലേക്ക് കോന്നിയെ തിരികെ കൊണ്ടുവരാന് യു.ഡി.എഫ് സ്ഥാനാര്ത്ഥിയുടെ വിജയം അനിവാര്യമാണെന്ന് കെ.പി.സി.സി ജനറല് സെക്രട്ടറി കറ്റാനം ഷാജി പറഞ്ഞു. കോന്നി നിയോജകമണ്ഡലത്തിലെ തണ്ണിത്തോട് ബ്ലോക്ക് കോണ്ഗ്രസ് പ്രവര്ത്തക ക്യാമ്പ് മൈലപ്രാ സാംസ് ഗാര്ഡന് ഓഡിറ്റോറിയത്തില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അഴിമതിയും കെടുകാര്യസ്ഥതയും ധാര്ഷ്ട്യവും മുഖമുദ്രയാക്കി ഭരണം നടത്തുന്ന പിണറായി ഭരണം അവസാനിപ്പിക്കേണ്ടത് കേരളത്തിലെ ജനങ്ങളുടെ ആവശ്യമാണെന്നും കോന്നിയില് യു.ഡി.എഫ് വിജയം സുനിശ്ചിതമാണെന്നും കറ്റാനം ഷാജി പറഞ്ഞു.
ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് ആര്. ദേവകുമാര് അദ്ധ്യക്ഷത വഹിച്ചു. ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് മുഖ്യപ്രഭാഷണം നടത്തി. കെ.പി.സി.സി അംഗം മാത്യു കുളത്തിങ്കല്, ഡി.സി.സി ഭാരവാഹികളായ സാമുവല് കിഴക്കുപുറം, വെട്ടൂര് ജ്യോതിപ്രസാദ്, റോബിന് പീറ്റര്, എ. സുരേഷ് കുമാര്, സജി കൊട്ടക്കാട്, റെജി പൂവത്തൂര്, എലിസബത്ത് അബു, എസ്.വി.പ്രസന്നകുമാര്, എം.വി.ഫിലിപ്പ്, എസ്.സന്തോഷ് കുമാര്, റോയിച്ചന് എഴിക്കകത്ത്, എബ്രഹാം വാഴയില്, എം.വി.അമ്പിളി, ലിബു മാത്യു, ദിലീപ് കുമാര് പൊതിപ്പാട്, ബിജു മാത്യു, ബഷീര് വെള്ളത്തറ, രതീഷ് കെ.നായര്, ജി.എസ്. സന്തോഷ് കുമാര്, പി.കെ. ഗോപി, ജയിംസ് കീക്കരിക്കാട്, കെ.വി. സാമുവല്, വില്സണ് തുണ്ടിയത്ത്, ലില്ലി ബാബു, ബി. രേഷ്മ, ജോയല് മുക്കരണത്ത്, എ. ബഷീര്, എസ്. സുനില്കുമാര്, ജി. ശ്രീകുമാര് എന്നിവര് പ്രസംഗിച്ചു.
