തിരുവല്ല : ആത്മഹത്യ ചെയ്ത കര്ഷകന്റെ വീട്ടില് ഇന്ന് പ്രതിപക്ഷ സംഘമെത്തും. പ്രതിപക്ഷ നേതാവ് വി.ഡി സതീശന്റെ നേതൃത്വത്തിലുള്ള യുഡിഎഫ് സംഘമാണ് ഉച്ചയ്ക്ക് രാജീവിന്റെ വീട്ടിലെത്തുക. കൃഷിനാശം നേരിട്ട കര്ഷകന്റെ ആത്മഹത്യയില് സര്ക്കാരിനെ പ്രതിക്കൂട്ടിലാക്കുകയാകും പ്രതിപക്ഷ നേതാവിന്റെ നേതൃത്വത്തിലുള്ള സംഘത്തിന്റെ സന്ദര്ശത്തിന്റെ ലക്ഷ്യം. കേരളം ഇത്രയും കടക്കെണിയിലായ സാഹചര്യം ഉണ്ടായിട്ടില്ലെന്ന് വി.ഡി സതീശന് പറഞ്ഞിരുന്നു. കൃഷിനാശവും ബാങ്ക് ബാധ്യതയും മൂലം നെല്ക്കര്ഷകന് ആത്മഹത്യ ചെയ്തത്. നിരണം വടക്കുംഭാഗം കാണാത്ര പറമ്പ് വീട്ടില് രാജീവാണ് മരിച്ചത്. ഇയാള് പാട്ടത്തിനെടുത്ത് കൃഷി ചെയ്യുന്ന പാടശേഖരത്തിന് സമീപത്തെ പുരയിടത്തിലെ മരക്കൊമ്പില് ഇന്നലെ രാത്രിയോടെ തൂങ്ങി മരിച്ച നിലയില് കണ്ടെത്തിയത്.
