റാന്നി: ബിജെപി സ്ഥാനാര്ത്ഥി വിജയിച്ച റാന്നി ഗ്രാമ പഞ്ചായത്തിലെ മന്ദിരം വാര്ഡില് യുഡിഎഫ് സ്ഥാനാര്ത്ഥിക്ക് കിട്ടിയത് 18 വോട്ട്. കോണ്ഗ്രസ് വോട്ടുകള് ബിജെപിയ്ക്ക് നല്കിയെന്നാണ് ആരോപണം. ഇവിടെ യുഡിഎഫിന്റെ ജില്ലാ സ്ഥാനാര്ത്ഥിക്ക് 138ഉം, ബ്ലോക്ക് സ്ഥാനാര്ത്ഥിക്ക് 114ഉം വോട്ട് ലഭിച്ചിരുന്നു. ഇവിടെ വാര്ഡ് സ്ഥാനാര്ത്ഥിക്ക് പതിനെട്ട് വോട്ടായി കുറഞ്ഞു. ഇത് അട്ടിമറിയെന്നാണ് വാര്ഡിലെ സംസാരം. ഇവിടെ സ്വതന്ത്രന് 48 വോട്ട് നേടിയിരുന്നു. യുഡിഎഫിനായി ഉതിമൂട് സ്വദേശി സോമരാജനാണ് ഇവിടെ മത്സരിച്ചത്. വാര്ഡില് വോട്ടു കുറയുകയും ജില്ലാ, ബ്ലോക്ക് സ്ഥാനാര്ത്ഥികള്ക്ക് വോട്ടു കൂടുകയും ചെയ്തത് വാര്ഡില് ചര്ച്ചയായി.
കോണ്ഗ്രസിലെ ഒരു വിഭാഗം യുഡിഎഫ് സ്ഥാനാര്ത്ഥിയെ കാലു വാരിയെന്ന ആക്ഷേപവും ഉയര്ന്നിട്ടുണ്ട്. കാലുവാരിയവര് ബിജെപി സ്ഥാനാര്ത്ഥി എം.ആര് വിനോദ് കുമാറിന് വോട്ടു ചെയ്തെന്നാണ് ആരോപണം. എല്ഡിഎഫ് വോട്ടുകള് വാര്ഡ്, ജില്ല, ബ്ലോക്ക് സ്ഥാനാര്ത്ഥികള് യഥാക്രമം 202, 206,200 എന്നിങ്ങനെ ആണ് കിട്ടിയത്. എല്ഡിഎഫ് സ്ഥാനാര്ത്ഥിയായി പഞ്ചായത്ത് പ്രസിഡന്റ് കെ.ആര് പ്രകാശ് ആണ് മത്സരിച്ച് രണ്ടാമത് എത്തിയത്. പ്രകാശ് വിജയിക്കാതിരിക്കാന് കോണ്ഗ്രസ് വോട്ട് ബിജെപിക്ക് മറിച്ചെന്നാണ് ആരോപണം.
