ന്യൂഡൽഹി : ഏപ്രിൽ 24 മുതൽ 30 വരെയുള്ള ഇന്ത്യ – യുകെ യാത്രാവിമാനങ്ങൾ റദ്ദാക്കിയതായി എയർ ഇന്ത്യ. യാത്രാവിലക്കുള്ള റെഡ് ലിസ്റ്റ് രാജ്യങ്ങളുടെ പട്ടികയിൽ ഇന്ത്യയെയും കഴിഞ്ഞ ദിവസം ബ്രിട്ടൻ ഉൾപ്പെടുത്തിയിരുന്നു. ഇന്ത്യയിലെ പുതിയ കോവിഡ് വകഭേദത്തിന്റെ അതിതീവ്ര വ്യാപനം കണക്കിലെടുത്താണ് വെള്ളിയാഴ്ച മുതൽ ഇന്ത്യയെ റെഡ് ലിസ്റ്റിൽ ഉൾപ്പെടുത്താൻ തീരുമാനിച്ചത്. ഈ വിമാനങ്ങളിൽ യാത്ര ചെയ്യേണ്ടവർക്ക് പുതുക്കിയ തീയതി നൽകുന്നതും റീഫണ്ടും തുടങ്ങി വിഷയങ്ങളിൽ അധികം വൈകാതെ തീരുമാനം ഉണ്ടാകുമെന്നും എയർ ഇന്ത്യ അറിയിച്ചു.
