റാന്നി: ജോയിൻറ് കൗൺസിൽ വനിതാ കമ്മിറ്റിയുടെ ആഭിമുഖ്യത്തിൽ നടത്തപ്പെടുന്ന ഉണർവ് വനിതാ മുന്നേറ്റ ജാഥയുടെ പത്തനംതിട്ട ജില്ലാ പര്യടനത്തിന്റെ ഭാഗമായി ചിത്രരചനാ മത്സരം നടത്തി. ജാഥയുടെ പ്രചരണാർത്ഥം ജോയിന്റ് കൗൺസിൽ റാന്നി മേഖലാ കമ്മിറ്റിയുടെ ആഭിമുഖ്യത്തില് വൈക്കം ഗവ. യുപി സ്കൂളില് വെച്ചാണ് “വനിത ശാക്തീകരണം” വിഷയത്തിൽ കുട്ടികൾക്കായുള്ള ചിത്ര രചന മത്സരം സംഘടിപ്പിച്ചത്. പ്രമുഖ കാർട്ടൂണിസ്റ്റ് ഷാജി മാത്യു ഉദ്ഘാടനം ചെയ്തു.
ജോയിന്റ് കൗൺസിൽ വനിതാ കമ്മിറ്റി അംഗം ദീപ അധ്യക്ഷത വഹിച്ചു. സി.പി.ഐ മണ്ഡലം സെക്രട്ടറി ടി.ജെ ബാബുരാജ് ആര്. മനോജ് കുമാർ, പി.എസ് മനോജ് കുമാർ, ഷാജഹാൻ, ശിവദാസ്, എന്.വി സന്തോഷ്, സജി കെ. ഫിലിപ്പ്, അനീഷ് കുമാർ, അമ്പളി എന്നിവർ പ്രസംഗിച്ചു.
