തിരുവനന്തപുരം: രാജ്യത്ത് അപ്രഖ്യാപിത അടിയന്തിരാവസ്ഥക്ക് തുല്യമായ സ്ഥിതിയാണെന്ന് മന്ത്രി പിഎ മുഹമ്മദ് റിയാസ്. രാഹുല് ഗാന്ധിയെ അയോഗ്യനാക്കിയ തീരുമാനത്തിനെതിരെയാണ് പിഎ മുഹമ്മദ് റിയാസ് രംഗത്തെത്തി. രാഹുല് ഗാന്ധി നടത്തിയ രാഷ്ട്രീയ പ്രസംഗത്തിന്റെ പേരില് അദ്ദേഹത്തിന്റെ ലോക്സഭാ അംഗത്വം റദ്ദാക്കിയ നടപടി പ്രതിഷേധാര്ഹമാണെന്നും മുഹമ്മദ് റിയാസ് ചൂണ്ടിക്കാണിച്ചു. ഈ വിഷയത്തില് പ്രതിഷേധമുയര്ത്താന് രാജ്യത്തെ ജനാധിപത്യ സമൂഹം ഒറ്റക്കെട്ടായി മൂന്നോട്ടു വരണമെന്നും മുഹമ്മദ് റിയാസ് പറഞ്ഞു.
അതേസമയം ലോക്സഭാംഗത്വം റദ്ദാക്കിയ നടപടിയില് പ്രതികരണവുമായി രാഹുല് ഗാന്ധി രംഗത്തെത്തി. പോരാട്ടത്തിനായി എന്ത് വില കൊടുക്കാനും തയ്യാറെന്ന് രാഹുല് ഗാന്ധി ട്വിറ്ററിലൂടെ അറിയിച്ചു. രാഹുലിനെ അയോഗ്യനാക്കിയ നടപടിക്കെതിരെ ശക്തമായ നിയമ പോരാട്ടത്തിന് തയ്യാറെടുക്കുകയാണ് കോണ്ഗ്രസ്.
