ഉണ്ണിമുകുന്ദനെ നായകനാകുന്ന പുതിയ ചിത്രം പ്രഖ്യാപിച്ചു. ‘ജയ് ഗണേഷ്’ എന്ന് പേരിട്ടിരിക്കുന്ന ചിത്രം രഞ്ജിത്ത് ശങ്കര്‍ ആണ് തിരക്കഥയൊരുക്കി സംവിധാനം ചെയ്യുന്നത്. രഞ്ജിത്ത് ശങ്കറിന്‍റെ ഉടമസ്ഥതയിലുള്ള ഡ്രീം ആന്‍ഡ് ബിയോന്‍ഡ് ഫിലിംസും ഉണ്ണി മുകുന്ദന്‍റെ പ്രൊഡക്ഷന്‍ കമ്പനിയായ ഉണ്ണി മുകുന്ദന്‍ ഫിലിംസും ചേര്‍ന്നാണ് ജയ് ഗണേഷ് നിര്‍മ്മിക്കുന്നത്. ഒറ്റപ്പാലത്ത് നടന്ന ഗണേശോത്സവത്തിനിടെയാണ് ഉണ്ണി മുകുന്ദന്‍ ഗണപതിയാകുന്ന പുതിയ ചിത്രം പ്രഖ്യാപിച്ചത്. പിന്നാലെ സോഷ്യല്‍ മീഡിയയിലൂടെ രഞ്ജിത്ത് ശങ്കറും ഔദ്യോഗികമായി ചിത്രത്തിന്‍റെ ടൈറ്റില്‍ വീഡിയോ പങ്കുവെച്ചു.
‘ജയ് ഗണേഷ് ഒരുക്കിയ ശേഷം ഞാനൊരു നടനെ തിരയുകയായിരുന്നു. മാളികപ്പുറത്തിന് ശേഷം കഴിഞ്ഞ 7 മാസമായി ഉണ്ണിമുകുന്ദന്‍ പുതിയ സിനിമയിലൊന്നും അപ്പോള്‍ അഭിനയിച്ചു തുടങ്ങിയിരുന്നില്ല. തനിക്കിണങ്ങുന്നൊരു ശരിയായ തിരക്കഥക്കായി ക്ഷമയോടെ കാത്തിരിക്കുകയായിരുന്നു ഉണ്ണി. ജയ് ഗണേഷിനെ പറ്റി ചര്‍ച്ചചെയ്തപ്പോള്‍ ഉണ്ണി അന്വേഷിച്ചിരുന്ന തിരക്കഥയും ഞാന്‍ അന്വേഷിച്ചു നടന്ന നടനെയും കണ്ടെത്തി. ഈ പ്രൊജക്ട് ഒരുമിച്ച് നിര്‍മ്മിക്കാനും ഞങ്ങള്‍ തീരുമാനിച്ചു. ഇത് ആവേശകരവും വെല്ലുവിളി നിറഞ്ഞതുമായ ഒരു യാത്രയായിരിക്കും. അതിലെ ഓരോ ഘട്ടവും ഞങ്ങൾ ആസ്വദിക്കുമെന്ന് പ്രതീക്ഷിക്കുന്നു’- രഞ്ജിത്ത് ശങ്കര്‍ കുറിച്ചു.
സിനിമയെ കുറിച്ചുള്ള മറ്റ് വിവരങ്ങള്‍ അധികം വൈകാതെ പുറത്തുവരുമെന്നാണ് പ്രതീക്ഷിക്കുന്നത്. വിനയന്‍ സംവിധാനം ചെയ്യുന്ന അത്ഭുത ദ്വീപിന്‍റെ രണ്ടാം ഭാഗത്തിലും ഉണ്ണി മുകുന്ദനാണ് നായകന്‍.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
