വാഷിംഗ്‌ടൺ : ഇസ്രയേൽ-പലസ്തീൻ യുദ്ധത്തിൽ ബന്ദികളാക്കിയ ആദ്യ സംഘത്തെ മോചിപ്പിച്ചതിനെ കുറിച്ച് യുഎസ് പ്രസിഡന്റ് ജോ ബൈഡൻ. ഇതൊരു തുടക്കമാണെന്നും താത്കാലിക വെടിനിര്‍ത്തൽ ഉടമ്പടി നീട്ടാൻ അവസരമുണ്ടെന്നും ജോ ബൈഡന്‍ പറഞ്ഞു. സമാധാനം പുനഃസ്ഥാപിക്കാനുള്ള ശ്രമമാണ് പുതിയ നീക്കത്തിലൂടെ ലക്ഷ്യമിടുന്നതെന്നും അദ്ദേഹം വ്യക്തമാക്കി. വെള്ളിയാഴ്ച ഗാസയിൽ ഹമാസ് ബന്ദികളാക്കിയ 24 പേരെ മോചിപ്പിച്ചു. ഇതിൽ സ്ത്രീകളും കുട്ടികളുമടക്കം 13 ഇസ്രയേലുകാർക്ക് പുറമേ 10 തായ്‌ലൻഡ് പൗരന്മാരും ഒരു ഫിലിപ്പീൻസ് പൗരനും ഉൾപ്പെടുന്നു.
ഇസ്രയേല്‍ ജയിലുകളിലുണ്ടായിരുന്ന കുട്ടികളും സ്ത്രീകളും അടക്കം 39 പേരെയും മോചിതരാക്കിയതായി ഖത്തർ വിദേശകാര്യ മന്ത്രാലയം അറിയിച്ചു. 4 ദിവസം കഴിഞ്ഞാൽ ആക്രമണം പുനരാരംഭിക്കുമെന്നാണ് ഇരുപക്ഷത്തിന്റെയും നിലപാട്. പ്രതിദിനം 10 പേർ എന്ന കണക്കിൽ കൂടുതൽ ബന്ദികളെ മോചിപ്പിക്കുകയാണെങ്കിൽ വെടിനിർത്തൽ നീട്ടാമെന്നും ഇസ്രയേൽ പ്രധാനമന്ത്രി വ്യക്തമാക്കിയിട്ടുണ്ട്. കഴിഞ്ഞ ഒക്ടോബര്‍ ഏഴിനാണ് ഹമാസ് ഇസ്രയേലിൽ ആക്രമണം നടത്തിയത്. ഹമാസ് നടത്തിയ ആക്രമണത്തിൽ 1200 ഇസ്രയേലി പൗരന്മാർ കൊല്ലപ്പെട്ടതായാണ് ഇസ്രയേൽ പുറത്തുവിട്ട കണക്ക്. 240 പേരെ ബന്ദികളാക്കി. ഗാസയിലുണ്ടായ ആക്രമണങ്ങളിൽ 15000ത്തോളം പേർ കൊല്ലപ്പെട്ടതായാണ് പുറത്തുവരുന്ന റിപ്പോർട്ട്. ഇതിൽ 6150 കുട്ടികളും ഉൾപ്പെടുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
