വാഷിംഗ്ടണ് ഡിസി : യുഎസ് പ്രസിഡന്റ് സ്ഥാനത്തേക്കുള്ള തെരഞ്ഞെടുപ്പുമായി ബന്ധപ്പെട്ട പ്രൈമറിയില് ഡോണള്ഡ് ട്രംപിന് തോല്വി. ഞായറാഴ്ച വാഷിംഗ്ടണ് ഡിസിയില് നടന്ന റിപ്പബ്ലിക്കന് പ്രസിഡന്ഷ്യല് പ്രൈമറിയില് ഇന്ത്യന് വംശജയും യുഎന് മുന് അംബാസഡറുമായ നിക്കി ഹേലി വിജയിച്ചു.
സ്വന്തം സ്റ്റേറ്റായ സൗത് കരോലൈനയില് പോലും വിജയിക്കാന് കഴിയാതിരുന്ന നിക്കിയുടെ ആദ്യ വിജയമാണിത്. നിക്കി 63 ശതമാനം വോട്ടുകള് നേടിയെന്നാണ് റിപ്പോര്ട്ട്. പക്ഷെ നവംബറില് നടക്കുന്ന യുഎസ് പ്രസിഡന്റ് തെരഞ്ഞെടുപ്പില് ട്രംപ് തന്നെ റിപ്പബ്ലിക്കന് സ്ഥാനാര്ഥിയാകാനാണ് സാധ്യത. ഇതിന് മുമ്പ് നടന്ന എട്ട് പ്രൈമറികളിലും ഡോണള്ഡ് ട്രംപാണ് വിജയിച്ചത്.
