മലപ്പുറം : വളാഞ്ചേരി വട്ടപ്പാറ വളവില് ചരക്ക് ലോറി മറിഞ്ഞ് അപകടം. കോഴിക്കോട് ഭാഗത്ത് നിന്നും സിമന്റുമായി പോകുകയായിരുന്ന ലോറി വളവില് നിയന്ത്രണം വിട്ട് സുരക്ഷ ഭിത്തിയില് ഇടിച്ചു മറിയുകയായിരുന്നു. തമിഴ്നാട് സ്വദേശിയായ ലോറി ഡ്രൈവര് ശിവബാലനെ ആശുപത്രിയില് പ്രവേശിപ്പിച്ചു. വെള്ളിയാഴ്ച്ച രാത്രി പത്ത് മണിയോടെയാണ് സംഭവം. ശബ്ദം കേട്ട് പ്രദേശവാസികളും യാത്രക്കാരും ഓടിയെത്തി രക്ഷാപ്രവര്ത്തനം ആരംഭിച്ചില്ലെങ്കിലും ഡ്രൈവറെ പുറത്തെടുക്കാന് സാധിച്ചില്ല. തുടര്ന്ന് വളാഞ്ചേരി പോലീസിലും തിരൂര് അഗ്നിരക്ഷസേന ഓഫീസിലും വിവരം അറിയിക്കുകയായിരുന്നു. ഉദ്യോഗസ്ഥര് സംഭവസ്ഥലത്ത് എത്തി ഉടന് രക്ഷാപ്രവര്ത്തനം ആരംഭിച്ചു.
ഒരു മണിക്കൂര് നേരത്തെ പരിശ്രമത്തിന് ഒടുവിലാണ് ലോറിയുടെ ക്യാബിനില് നിന്ന് ഡ്രൈവറെ വെട്ടിപ്പൊളിച്ചാണ് പുറത്തെടുത്തത്. പരിക്കേറ്റ ഡ്രൈവര് ശിവബാലനെ വളാഞ്ചേരി നടക്കാവില് ആശുപത്രിയില് പ്രവേശിപ്പിച്ചു. വളാഞ്ചേരി പോലീസ്, ഹൈവേ പോലീസ് തിരൂരില് നിന്നുള്ള ഫയര്ഫോഴ്സ് സംഘവും ദേശീയപാത നിര്മ്മാണ കമ്പനി തൊഴിലാളികളും നാട്ടുകാരും ചേര്ന്നാണ് രക്ഷാപ്രവര്ത്തനം നടത്തിയത്.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
