ആറന്മുള : പള്ളിയോട സേവാസംഘവും പത്തനംതിട്ട ജില്ലാ പഞ്ചായത്തും സംയുക്തമായി നടത്തുന്ന വഞ്ചിപ്പാട്ട് പഠന കളരിയിൽ പരിശീലനം ലഭിച്ച കുട്ടികളുടെ വഞ്ചിപ്പാട്ട് സമർപ്പണം ആറന്മുള ക്ഷേത്ര സന്നിധിയിൽ നടന്നു. കിഴക്കൻ മേഖലയിലെ കുട്ടികൾ രാമായണം വഞ്ചിപ്പാട്ടും പടിഞ്ഞാറൻ മേഖലയിലെ കുട്ടികൾ കുചേല വൃത്തവും മദ്ധ്യ മേഖലയിലെ കുട്ടികൾ വെച്ചുപാട്ടും അവതരിപ്പിച്ചു. തുടർന്ന് പാഞ്ചജന്യം ഓഡിറ്റോറിയത്തിൽ നടന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് ദീനാമ്മ റോയ് ഉദ്ഘാടനം ചെയ്തു. സേവാസംഘം പ്രസിഡന്റ് കെ. വി.സാമ്പദേവൻ അധ്യക്ഷത വഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല, മെമ്പർ സ്റ്റെല്ല തോമസ്, ഇലന്തൂർ ബ്ലോക്ക് പഞ്ചായത്ത് അംഗം അശോക് ഗോപിനാഥ്, ജനറൽ സെക്രട്ടറി പ്രസാദ് ആനന്ദഭവൻ, ജനറൽ കൺവീനർ സുരേഷ്. കെ.എസ്, ജോയിന്റ് സെക്രട്ടറി അജയ് ഗോപിനാഥ്, എക്സിക്യൂട്ടീവ് കമ്മിറ്റി അംഗങ്ങളായ പാർത്ഥ സാരഥി പിള്ള, വിജയകുമാർ, അനൂപ് ഉണ്ണികൃഷ്ണൻ, മുരളി ജി പിള്ള, ബി. കൃഷ്ണകുമാർ, രവീന്ദ്രൻ നായർ എന്നിവർ പ്രസംഗിച്ചു.
