ന്യൂഡല്ഹി : വന്ദേഭാരത് മിഷന് നാലാം ഘട്ടം ഷെഡ്യൂള് ഇന്ത്യന് വിദേശകാര്യമന്ത്രാലയം പ്രഖ്യാപിച്ചപ്പോള് ഖത്തറില് നിന്നും കേരളത്തിലേക്ക് 151 സര്വീസുകള്. ജൂലൈ മൂന്ന് മുതല് ഓഗസ്റ്റ് 15 വരെയുള്ള കാലയളവിലാണ് ഇന്ത്യയിലേക്ക് ഈ സര്വീസുകള്. ഇതിലൂടെ ഏകദേശം ഇരുപത്തിയേഴായിരം മലയാളി പ്രവാസികള്ക്ക് ഈ ഘട്ടത്തില് മടങ്ങാന് കഴിയും.
കേരളത്തിലേക്കുള്ള മൊത്തം 151 സര്വീസുകളില് കൊച്ചിയിലേക്കാണ് ഏറ്റവും കൂടുതല്. 47 എണ്ണം. കോഴിക്കോട്ടേക്കും കണ്ണൂരിലേക്കും 35 വീതം വിമാനങ്ങള്. തിരുവനന്തപുരത്തേക്ക് മുപ്പത്തിനാലും സര്വീസുകള്. ജൂലൈ പത്തിന് കൊച്ചിയിലേക്കാണ് നാലാം ഘട്ടത്തില് കേരളത്തിലേക്കുള്ള ആദ്യ വിമാനം.