കൊച്ചി : ലോകായുക്തയെ നോക്കുകുത്തിയാക്കുന്ന ഓര്ഡിനന്സില് ഒപ്പിടരുതെന്ന് ആവശ്യപ്പെട്ട് ഗവര്ണര്ക്ക് കത്തയച്ച് പ്രതിപക്ഷ നേതാവ് വി.ഡി.സതീശന്. അഴിമതി വിരുദ്ധ സംവിധാനങ്ങളുടെ പ്രസക്തി ഇല്ലാതാക്കി പ്രവര്ത്തിക്കാനാണ് സര്ക്കാര് നീക്കം. പുതിയ ഓര്ഡിനന്സോടെ ലോകായുക്തയുടെ പ്രസക്തി തന്നെയില്ലാതായി. സര്ക്കാരിനെതിരേ ഉയരുന്ന അഴിമതി ആരോപണങ്ങളുടെ മുനയൊടിക്കാനാണ് ലോകായുക്തയെ ഇല്ലാതാക്കുന്നത്. ഇക്കാര്യത്തില് സിപിഎം കേന്ദ്ര നേതൃത്വം മറുപടി പറയണമെന്നും അദ്ദേഹം ആവശ്യപ്പെട്ടു. കൊച്ചിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. കെ - റെയിലുമായി ബന്ധപ്പെട്ട് കേസുകള് മുന്നില്കണ്ടും മുഖ്യമന്ത്രിക്കും ഉന്നത വിദ്യാഭ്യാസമന്ത്രി ആര്.ബിന്ദുവിനും എതിരേ നിലവില് നിലനില്ക്കുന്ന കേസുകളും കാരണമാണ് സര്ക്കാര് പുതിയ നീക്കം നടത്തുന്നത്. ലോകായുക്തയെ നിയമിക്കുന്ന സമിതിയില് പ്രതിപക്ഷ നേതാവ് ഉണ്ടെങ്കില് ഭേദഗതിയെക്കുറിച്ച് സര്ക്കാര് ഒന്നും അറിയിച്ചില്ലെന്നും സതീശന് വ്യക്തമാക്കി.
