തിരുവനന്തപുരം : അനീമിയ മുക്ത കേരളത്തിനായുള്ള വിവ കേരളം ക്യാമ്പയിന്റെ ഭാഗമായി ആരോഗ്യ വകുപ്പ് അനീമിയ ചികിത്സാ പ്രോട്ടോകോള് രൂപീകരിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. വിവ കേരളം സംസ്ഥാനതല ക്യാമ്പയിന് ഈ മാസം ആരംഭിക്കാനാണ് ലക്ഷ്യമിടുന്നത്. ആദ്യ ഘട്ടത്തില് തിരുവനന്തപുരം, ഇടുക്കി, പാലക്കാട്, വയനാട്, കാസര്ഗോഡ് ജില്ലകളിലാണ് പദ്ധതി ആരംഭിക്കുന്നത്.
15നും 59 വയസിനും ഇടയ്ക്കുള്ള വനിതകളുടെ വാര്ഡ് തിരിച്ചുള്ള കണക്ക് എടുക്കാനും മന്ത്രി നിര്ദേശം നല്കി. അനീമിയ മുക്ത കേരളത്തിനായുള്ള വിവ കേരളം ക്യാമ്പയിന്റെ ഉന്നതതല യോഗത്തില് സംസാരിക്കുകയായിരുന്നു മന്ത്രി. മുഖ്യമന്ത്രിയുടെയും ആരോഗ്യ വകുപ്പ് മന്ത്രിയുടേയും നേതൃത്വത്തില് വിവിധ തലങ്ങളില് യോഗം നടത്തിയാണ് വിളര്ച്ച പ്രതിരോധത്തിന് വിളര്ച്ചയില് നിന്നും വളര്ച്ചയിലേക്ക് വിവ കേരളം ക്യാമ്പയിന് ആരോഗ്യ വകുപ്പ് അന്തിമ രൂപം നല്കിയത്.
15 മുതല് 59 വയസുവരെയുള്ള വനിതകളില് അനീമിയ കണ്ടെത്തുകയും ആവശ്യമായവര്ക്ക് ചികിത്സ ഉറപ്പാക്കുകയുമാണ് ലക്ഷ്യം. വിവിധ ജില്ലകളിലായി ജില്ലാതല പരിശീലനം നടത്തിവരുന്നു. അനീമിയ രോഗ നിര്ണയത്തിനുള്ള 12 ലക്ഷം കിറ്റുകള് ലഭ്യമാണ്. ഇതിന് പുറമേ കൂടുതല് കിറ്റുകള് ലഭ്യമാക്കാനുള്ള നടപടികള് സ്വീകരിക്കാന് മന്ത്രി നിര്ദേശം നല്കി. വിദ്യാഭ്യാസ വകുപ്പിന്റെ സഹകരണത്തോടെ സ്കൂളുകള് കേന്ദ്രീകരിച്ചുള്ള അനിമീയ ക്യാമ്പയിനും നടത്തും. ഹെല്ത്ത് ഫീല്ഡ് വര്ക്കര്മാര്, അങ്കണവാടി പ്രവര്ത്തകര്, തദ്ദേശ സ്വയംഭരണ പ്രതിനിധികള്, ട്രൈബല് പ്രമോട്ടര്മാര് എന്നിവര് ഏകോപിപ്പിച്ച് കാമ്ബയിനില് പങ്കെടുക്കണം. ആരോഗ്യ സംരക്ഷണത്തില് ആയുഷ് മേഖലയുടെ സേവനം കൂടി ഉപയോഗപ്പെടുത്തും.
ഇതിന് പുറമേ അവബോധത്തിനായുള്ള മാസ് ക്യാമ്പയിന് ആരോഗ്യ വകുപ്പ് ആരംഭിക്കുന്നതാണ്. വനിത ശിശുവികസന വകുപ്പ്, ആയുഷ് വകുപ്പ്, മറ്റ് വിഭാഗങ്ങള് എന്നിവയുടെ പിന്തുണയുമുണ്ടാകും. ലാബില് പരിശോധന നടത്തി അനീമിയ ഉണ്ടോയെന്ന് സ്വയം വിലയിരുത്തുക, അനീമിയ കണ്ടെത്തുന്നവരെ ചികിത്സിക്കുക, അനീമിയ ഉണ്ടാകാതിരിക്കാനായി ആഹാര ക്രമീകരണത്തിലുള്ള മാറ്റം, സമ്പുഷ്ട ആഹാരം കഴിക്കുക തുടങ്ങിയവയാണ് അവബോധത്തില് പ്രധാനം. മാധ്യമങ്ങള്, സാമൂഹിക മാധ്യങ്ങള് തുടങ്ങിയവയിലൂടെ വലിയൊരു ക്യാമ്പയിനാണ് ആരോഗ്യ വകുപ്പ് ലക്ഷ്യമിടുന്നത്. വനിത ശിശുവികസന വകുപ്പ് സെക്രട്ടറി, വനിത ശിശുവികസന വകുപ്പ് ഡയറക്ടര്, ആരോഗ്യ വകുപ്പ് ഡയറക്ടര്, മെഡിക്കല് വിദ്യാഭ്യാസ വകുപ്പ് ഡയറക്ടര്, ആയുഷ് വകുപ്പ് ഡയറക്ടര് എന്നിവര് യോഗത്തില് പങ്കെടുത്തു.
നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യുക
ദിനപ്പത്രങ്ങളിലെ പരസ്യത്തിന്റെ ആയുസ്സ് കേവലം നിമിഷങ്ങള് മാത്രമാണ്, തന്നെയുമല്ല താലൂക്ക് തലത്തിലോ ജില്ല മുഴുവനോ പ്രസിദ്ധീകരിക്കുന്ന ആ ബ്ലാക്ക് ആന്ഡ് വൈറ്റ് പരസ്യത്തിന് നിങ്ങള് നല്കുന്നത് വന് തുകയാണ്. എന്നാല് ഓണ് ലൈന് വാര്ത്താ ചാനലില് നല്കുന്ന പരസ്യം ലോകമെങ്ങും കാണും, ഒരു നിമിഷത്തേക്കല്ല – ഒരു മാസമാണ് ഈ പരസ്യം ഡിസ്പ്ലേ ചെയ്യപ്പെടുന്നത്. അതും വളരെ കുറഞ്ഞ നിരക്കില്.
————————–
ദിവസേന നൂറിലധികം വാര്ത്തകള് പ്രസിദ്ധീകരിക്കുന്ന പത്തനംതിട്ട മീഡിയ (www.pathanamthittamedia.com) ഇന്ന് കേരളത്തിലെ മുന് നിര മാധ്യമങ്ങള്ക്കൊപ്പമാണ്. പത്തനംതിട്ട ജില്ലയിലെ പ്രാദേശിക വാര്ത്തകള്ക്ക് കൂടുതല് പരിഗണന നല്കുന്നതോടൊപ്പം കേരളത്തിലെ വാര്ത്തകളും ദേശീയ – അന്തര്ദേശീയ വാര്ത്തകളും അപ്പപ്പോള് ജനങ്ങളിലേക്ക് എത്തിക്കുന്നുണ്ട്. വാര്ത്തകള് വായിക്കുവാന് ഒരാള് നിരവധി തവണ പത്തനംതിട്ട മീഡിയയില് കയറാറുണ്ട്. ഇങ്ങനെ കയറുന്ന ഓരോ പ്രാവശ്യവും നിങ്ങളുടെ പരസ്യം കാണും, ഇതിലൂടെ നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യപ്പെടുകയാണ്. ലോകമെങ്ങും എത്തട്ടെ ..നിങ്ങളുടെ പരസ്യം.
———————–
ന്യുസ് പോര്ട്ടലില് പരസ്യം നല്കുവാന് 70255 53033 / 0468 295 3033 /233 3033 mail – [email protected]
