സാധാരണക്കാർക്ക് വിലകയറ്റം ഇരുട്ടടി : വിക്ടർ ടി തോമസ് 

പത്തനംതിട്ട:  ഇന്ധന, പാചക വാതക വില ബസ് ,കറൻറ് ചാർജ് വർദ്ധനവിന് പുറമേ ഭക്ഷ്യധാന്യങ്ങളുടെയും പാൽ ഉല്പനങ്ങളുടെയും വില ജിഎസ്ടി പേരിൽ കൂട്ടിയത് ജനങ്ങളോടു ഉള്ള കടുത്ത വെല്ലുവിളി എന്ന് വിക്ടർ ടി തോമസ്. ഇവിടെ ദിവസേന ജോലി ചെയ്തു കുടുംബം പോറ്റുന്നവരുടെ അവസ്ഥ സർക്കാരുകൾ കാണാത്ത മട്ടിലാണ്. കൊള്ളലാഭം ഉണ്ടാകുന്നത് കേന്ദ്ര സംസ്ഥാന സർക്കാരുകൾ അവസാനിപ്പിക്കണം. കേന്ദ്രത്തോട് ഒപ്പം കേരളവും സാധാരണകാരെ പിഴിയുവാൻ മൽസരിക്കുകയാണ്. മലയാളികൾ കഴിക്കുന്ന അരി വില ഈ രീതിയിൽ പോയാൽ നൂറു കടക്കും. സംസ്ഥാന സർക്കാർ അടിയന്തരമായി വിഷയത്തിൽ ഇടപെടണം. കേന്ദ്രസർക്കാരിൽ സമ്മർദ്ദം ചെലുത്തി ജനങ്ങളുടെ മേൽ ഉള്ള അമിതഭാരം ഒഴിവാക്കാൻ ശക്തമായ ഇടപെടൽ നടത്തണമെന്ന് കേരള കോൺഗ്രസ് ജില്ലാ പ്രസിഡൻറ് യുഡിഎഫ് ജില്ലാ ചെയർമാൻ വിക്ടർ ടി തോമസ് പ്രസ്താവനയിൽ ആവശ്യപ്പെട്ടു.