കൊച്ചി: കൈക്കൂലി വാങ്ങുന്നതിനിടെ കൃഷി അസിസ്റ്റന്റ് വിജിലന്സ് പിടിയില്. പുത്തന്വേലിക്കര കൃഷി അസിസ്റ്റന്റ് പ്രജിലാണ് ഇന്ന് വിജിലന്സിന്റെ പിടിയിലായത്. നിലം നികത്തു ഭൂമി അളന്നു തരം മാറ്റി പുരയിടമാക്കി മാറ്റുന്നതിലേക്ക് അനുകൂല റിപ്പോര്ട്ട് നല്കുന്നതിനായി 5,000 രൂപ കൈലി വാങ്ങിയതിനാണ് ഇയാള് പിടിയിലായത്. എറണാകുളം, പുത്തന്വേലിക്കര സ്വദേശിയാണ് ഇയാള്ക്കെതിരെ പരാതി നല്കിയത്.
പുത്തന്വേലിക്കര സ്വദേശിയും, ഓസ്ട്രേലിയയില് ജോലി ചെയ്യുന്ന പരാതിക്കാരന്റെയും, ഭാര്യയുടെയും പേരില് പുത്തന്വേലിക്കരയിലുള്ള നിലം നികത്തു ഭൂമി അളന്നുതിട്ടപ്പെടുത്തി പുരയിടമായി മാറ്റുന്നതിലേക്കായി കഴിഞ്ഞവര്ഷമാണ് അപേക്ഷ സമര്പ്പിച്ചത്. നാട്ടിലെത്തിയ പരാതിക്കാരന് ഇക്കഴിഞ്ഞ ബുധനാഴ്ച പുത്തന്വേലിക്കര ഓഫീസറെ കണ്ടപ്പോള് അദ്ദേഹം ഭൂമി അളന്നുതിട്ടപ്പെടുത്തുന്നതിനായി കൃഷി അസിസ്റ്റന്റ് പ്രജിനെ ചുമതലപ്പെടുത്തി. തുടര്ന്ന് ഇന്നലെ ഭൂമി അളന്നശേഷം പ്രിജില് പരാതിക്കാരന്റെ മൊബൈലിലേക്ക് അഞ്ച് കൈവിരല് ഉയര്ത്തിയ വാട്സ്ആപ്പ് സന്ദേശം അയക്കുകയുണ്ടായി. ഇതിനെക്കുറിച്ച് വിളിച്ച് ചോദിച്ച പരാതിക്കാരനോട് നിലം നികത്തുഭൂമി പുരയിടമാക്കി മാറ്റുന്നതിലേക്ക് അനുകൂല റിപ്പോര്ട്ട് നല്കണമെങ്കില് 5,000 രൂപ കൈക്കൂലിയായി നല്കണമെന്ന് പറയുകയായിരുന്നു. പരാതിക്കാരന് ഈ വിവരം വിജിലന്സിന്റെ ടോള് ഫ്രീ നമ്പരായ 1064 എന്ന നമ്പരില് വിളിച്ച് അറിയിച്ചത്.