കൊല്ലം : ഓണാഘോഷ സമയങ്ങളില്‍ കോവിഡ് വ്യാപനത്തിനെതിരെ ജാഗ്രത കൈവിടരുതെന്ന് കലക്ടര്‍ ബി.അബ്ദുല്‍ നാസര്‍. വീഴ്ച കൂടാതെ മാസ്‌ക് ധരിക്കണം. സാധനങ്ങള്‍ വാങ്ങാന്‍ സമീപത്തുള്ള കടകളില്‍ തിരക്ക് ഒഴിയുമ്പോൾ മാത്രം പോകുക. പ്രതിരോധ ശീലങ്ങള്‍ വീടുകളിലും തൊഴിലിടങ്ങളിലും കൃത്യമായി പാലിക്കണമെന്നും കലക്ടർ കൂട്ടിച്ചേർത്തു.
പ്രതിരോധ പ്രവര്‍ത്തനങ്ങളും മാനദണ്ഡപാലനവും ഉറപ്പാക്കുന്നതിന് നടപടികള്‍ ഉണ്ടാകും. പുറത്തു പോകുമ്പോള്‍ കുട്ടികളെ കൂട്ടാതിരിക്കുക. പുതുവസ്ത്രങ്ങള്‍ കഴുകിയ ശേഷം ഉപയോഗിക്കാം. വിനോദ സഞ്ചാര യാത്രകളും ഗൃഹസന്ദര്‍ശനങ്ങളും ഒഴിവാക്കണം. സാധ്യമായവ കഴുകിയും പായ്ക്കറ്റില്‍ കിട്ടുന്നവ അണുനശീകരണം നടത്തിയും ഉപയോഗിക്കണമെന്നും അദ്ദേഹം നിർദേശം നൽകി.
