തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്‌ക്കെതിരായ വിജിലന്‍സ് അന്വേഷണം രാഷ്ട്രീയ പ്രതികാരത്തോടെയുള്ള നടപടിയെന്ന് യുഡിഎഫ് കണ്‍വീനര്‍ എം എം ഹസ്സന്‍ പറഞ്ഞു. കെഎം ഷാജിക്ക് എതിരെ അന്വേഷണത്തിന് നല്‍കിയ അനുമതിയും രാഷ്ട്രീയ പ്രേരിതമാണ്. സംസ്ഥാന സര്‍ക്കാരിന്റെ ചട്ടുകമായി സ്പീക്കര്‍ പ്രവര്‍ത്തിച്ചു എന്നും ഹസ്സന്‍ പറയുന്നു.
ഗവര്‍ണര്‍ അന്വേഷണത്തിന് അനുമതി നല്‍ക‌ാത്തതിനാലാണ് സ്പീക്കര്‍ അനുമതി നല്‍കിയത്. സ്പീക്കര്‍ ശ്രീരാമകൃഷ്ണനെതിരെ ചെന്നിത്തല ആരോപണം ഉന്നയിച്ചിരുന്നു. സ്വര്‍ണക്കടത്ത് കേസിലെ പ്രതികളുമായുള്ള ബന്ധമാണ് ചൂണ്ടിക്കാണിച്ചത്. ഈ പ്രതികാരമാണ് സ്പീക്കര്‍ക്ക് ഉള്ളതെന്നും അദ്ദേഹം പറയുന്നു.
