ഹൈദരാബാദ്: തെന്നിന്ത്യന് താരം വിജയശാന്തി കോണ്ഗ്രസിന്റെ പ്രാഥമിക അംഗത്വം രാജിവെച്ചു. തിങ്കളാഴ്ച അവര് ബി.ജെ.പിയില് ചേരുമെന്നാണ് വിവരം. 2014ലാണ് വിജയശാന്തി കോണ്ഗ്രസില് ചേര്ന്നത്.
ന്യൂഡല്ഹിയില് നടക്കുന്ന ചടങ്ങിലാണ് വിജയശാന്തി ബി.ജെ.പി. അംഗത്വം സ്വീകരിക്കുകയെന്ന് ഉന്നത പാര്ട്ടി വൃത്തങ്ങളെ ഉദ്ധരിച്ച് ഇന്ത്യ ടുഡേ ആണ് ഇത് റിപ്പോര്ട്ട് ചെയ്തത്. ഇതിനു മുന്പായി കേന്ദ്ര ആഭ്യന്തര മന്ത്രി അമിത് ഷായുമായി വിജയശാന്തി കൂടിക്കാഴ്ച നടത്തും. തെലങ്കാന ബി.ജെ.പി. അധ്യക്ഷന് സഞ്ജയ് കുമാര് ഹൈദരാബാദില്നിന്ന് ഡല്ഹിക്ക് തിരിച്ചിട്ടുണ്ട്. ഒക്ടോബറില് നടി ഖുഷ്ബുവും കോണ്ഗ്രസ് വിട്ട് ബി.ജെ.പിയില് ചേര്ന്നിരുന്നു. 2014ല് തന്നെയാണ് ഖുഷ്ബുവും കോണ്ഗ്രസില് ചേര്ന്നത്.
