തിരുവല്ല : ഖത്തർ ലോകക്കപ്പ് ഫുട്ബോളിനോടനുബന്ധിച്ച് ഓതറയിലെ കലാ-സാംസ്കാരിക സംഘടനയായ കിമോത്തി അൽബാനിയുടെ നേതൃത്വത്തിൽ നടത്തിയ വിളംബര ജാഥ അക്ഷരാർത്ഥത്തിൽ തിരുവല്ലയെ വർണ്ണക്കടലാക്കി. പ്രായഭേദമന്യേ കുരുന്നു കുട്ടികൾ മുതൽ എൺപത് കഴിഞ്ഞവർ വരെയുള്ള ഫുട്ബോൾ പ്രേമികൾ തങ്ങളുടെ ഇഷ്ട ടീമുകളുടെ ജേഴ്സി അണിഞ്ഞ് പതാകയുമേന്തി അണിനിരന്നത് ജാഥക്ക് ശോഭ കൂട്ടി. ഇന്നലെ വൈകിട്ട് മൂന്നിന് ഓതറ ആൽത്തറ ജംഗ്ഷനിൽ നിന്നും ആരംഭിച്ച വിളംബര ജാഥ നെല്ലാട് , വള്ളംകുളം, തിരുവല്ല , തിരുമൂലപുരം , കുറ്റൂർ , കല്ലിശ്ശേരി, മംഗലം വഴി ഓതറയിൽ സമാപിച്ചു.
ജില്ലാ സ്പോർട്സ് കൗൺസിൽ പ്രസിഡന്റ്‌ കെ അനിൽകുമാർ വിളംബര ജാഥ ഫ്ലാഗ് ഓഫ് ചെയ്തു. ജാഥക്ക് മുന്നോടിയായി നടന്ന പൊതു സമ്മേളനത്തിൻ്റെ ഉദ്ഘാടനം മുൻ ഇന്ത്യൻ ഗോൾകീപ്പർ കെ.ടി ചാക്കോ നിർവ്വഹിച്ചു. കുറ്റൂർ പഞ്ചായത്ത് ഉപാധ്യക്ഷ സാലി ജോൺ,ബ്ലോക്ക് പഞ്ചായത്ത് അംഗം ജിനു തോമ്പുങ്കുഴി, ഫാ: മാത്യു, സാജൻ തച്ചമല, ലിജോ, മനോജ്‌, സാജൻ ആലുമൂട്ടിൽ എന്നിവർ സംസാരിച്ചു.
