ചേര്‍ത്തല : കെ.സി.ബി.സി കരിസ്മാറ്റിക് കമ്മിഷന്‍ ചേര്‍ത്തല സോണും കെ.സി.വൈ.എം അര്‍ത്തുങ്കല്‍ സെന്റ് ജോര്‍ജ് യൂണിറ്റും ചേര്‍ന്ന് വിശ്വാസസംരക്ഷണ ദിനമാചരിച്ചു. ക്രൈസ്തവര്‍ക്കുനേരെ നടത്തുന്ന അതിക്രമങ്ങള്‍ അവസാനിപ്പിക്കുക, ജീവനും സ്വത്തിനും ആരാധനാസ്വാതന്ത്ര്യത്തിനും സംരക്ഷണം നല്‍കുക എന്നീ ആവശ്യങ്ങള്‍ ചടങ്ങില്‍ ഇവര്‍ ഉന്നയിച്ചു. അര്‍ത്തുങ്കല്‍ സെന്റ് ജോര്‍ജ് ദേവാലയത്തിനുമുന്നില്‍ വായ്‌ മൂടിക്കെട്ടി ആണ് പ്രതിഷേധം നടത്തിയത്. ആനിമേറ്റര്‍ ഫാ.ജോണ്‍സണ്‍ തൗണ്ടയില്‍ ഉദ്ഘാടനം ചെയ്തു. കോ – ഓര്‍ഡിനേറ്റര്‍ സാബു കാക്കരിയില്‍, കെ.ഡി ജോര്‍ജ്, ഫ്രാന്‍സിസ് പൊക്കത്തെ, അനില്‍ ആന്റണി എന്നിവര്‍ സംസാരിച്ചു.
