കൊച്ചി: സഹകരണ മന്ത്രിയും സി.പി.ഐ(എം) സംസ്ഥാന കമ്മിറ്റി അംഗവുമായ വി.എന് വാസവന് രാജകുടുംബാംഗം സൗമ്യവതി തമ്പുരാട്ടിക്ക് ഉത്രാടക്കിഴി നല്കി. ഓണത്തോടനുബന്ധിച്ചാണ് ഉത്രാടക്കിഴി തുക മന്ത്രി നല്കിയത്. വരും വര്ഷങ്ങളില് തുക വര്ദ്ധിപ്പിക്കുമെന്നും പ്രഖ്യാപിച്ചു. മുന്കാലങ്ങളില് കുടുംബത്തിലെ സ്ത്രീകള്ക്ക് കൊച്ചി രാജാവ് ഓണക്കാലത്ത് നല്കിയ സമ്മാനമായിരുന്നു ഉത്രാടക്കിഴി. പഴയ രാജവംശത്തിന്റെ പിന്ഗാമിയായതിനാലാണ് സൗമ്യവതിക്ക് സര്ക്കാര് ഉത്രാട കിഴി നല്കുന്നത്.
