പത്തനംതിട്ട : കേരളാ വ്യാപാരി വ്യവസായി ഏകോപന സമിതി പത്തനംതിട്ട മുനിസിപ്പല്‍ യൂണിറ്റിന്റെ വാര്‍ഷിക പൊതുയോഗവും തെരഞ്ഞെടുപ്പും നാളെ (ജൂണ്‍ 14 ചൊവ്വാഴ്ച) നടക്കും. ഉച്ചകഴിഞ്ഞ് മൂന്നുമണിക്ക് വ്യാപാരഭവനില്‍ കൂടുന്ന യോഗം ജില്ലാ പ്രസിഡന്റ് ഏ.ജെ ഷാജഹാന്‍ ഉദ്ഘാടനം ചെയ്യും. കഴിഞ്ഞ 35 വര്‍ഷത്തിലധികമായി പത്തനംതിട്ട നഗരസഭാ പ്രദേശത്ത് വ്യാപാരം ചെയ്തുകൊണ്ടിരിക്കുന്ന വ്യാപാര പ്രതിഭകളെ യോഗത്തില്‍ ആദരിക്കും. അംഗങ്ങളായ വ്യാപാരികളുടെ മക്കളില്‍ എസ്.എസ്.എല്‍.സി പരീക്ഷയില്‍ ഉന്നതവിജയം നേടിയവര്‍ക്ക് അവാര്‍ഡ് നല്‍കും.
യുണിറ്റ് പ്രസിഡന്റ് ശശി ഐസക് അധ്യക്ഷത വഹിക്കും. ജനറല്‍ സെക്രട്ടറി ടി.ടി അഹമ്മദ് ദ്വൈവാര്‍ഷിക റിപ്പോര്‍ട്ടും ട്രഷറര്‍ ഗീവര്‍ ജോസ് വരവുചെലവ് കണക്കുകളും അവതരിപ്പിക്കും. ജില്ലാ ജനറല്‍ സെക്രട്ടറി കെ.ഇ മാത്യു, ജില്ലാ ട്രഷറര്‍ കൂടല്‍ ശ്രീകുമാര്‍, സംസ്ഥാന എക്സിക്യുട്ടീവ്‌ അംഗം എന്‍.എം ഷാജഹാന്‍, യൂത്ത് വിംഗ് ജില്ലാ പ്രസിഡന്റ് വി.എസ്. ഷെജീര്‍ എന്നിവര്‍ പങ്കെടുക്കും.
