വാളയാര് : വാളയാറില് സഹോദരിമാര് ദുരൂഹസാഹചര്യത്തില് മരണപ്പെട്ട കേസില് അന്വേഷണ പുരോഗതി റിപ്പോര്ട്ട് സമര്പ്പിക്കാന് കൂടുതല് സമയം വേണമെന്ന് സിബിഐ ഹൈക്കോടതിയെ അറിയിച്ചു. കേസില് തുടരന്വേഷണം കാര്യക്ഷമമല്ലെന്നാരോപിച്ച് പെണ്കുട്ടികളുടെ അമ്മ നല്കിയ ഹര്ജി അടുത്ത തിങ്കളാഴ്ച വീണ്ടും പരിഗണിക്കും. അതിനുമുമ്പ് സിബിഐ റിപ്പോര്ട്ട് നല്കണമെന്നാണ് കോടതി നിര്ദ്ദേശിച്ചിരിക്കുന്നത്.
വാളയാര് പെണ്കുട്ടികളുടെ മരണത്തെക്കുറിച്ചുള്ള സിബിഐ അന്വേഷണം ശരിയായ രീതിയില് അല്ല നടക്കുന്നതെന്നാണ് കുട്ടികളുടെ അമ്മ ആരോപിക്കുന്നത്. അന്വേഷണത്തില് കോടതിയുടെ മേല്നോട്ടം വേണമെന്നും അമ്മ ആവശ്യപ്പെട്ടിരുന്നു. മക്കളുടെ മരണം കൊലപാതകമാണോ എന്ന കാര്യത്തിലും കേസിലെ പ്രതികളായ രണ്ട് പേരുടെ ദുരൂഹ മരണത്തെക്കുറിച്ചും പെണ്കുട്ടികളുടെ മരണത്തില് അശ്ലീലചിത്ര മാഫിയക്ക് പങ്കുണ്ടോ എന്നും അന്വേഷണം വേണമെന്നുമാണ് പെണ്കുട്ടികളുടെ അമ്മയുടെ ആവശ്യം.
2017 ജനുവരി 13നാണ് പതിമൂന്ന് വയസ്സുള്ള പെണ്കുട്ടിയെ വാളയാര് അട്ടപ്പള്ളത്തെ ഷെഡില് തൂങ്ങി മരിച്ച നിലയില് കണ്ടെത്തുന്നത്. മാര്ച്ച് നാലിന് ഒന്പത് വയസ്സുള്ള സഹോദരിയേയും സമാന സാഹചര്യത്തില് മരിച്ച നിലയില് കണ്ടെത്തിയിരുന്നു. ഓഗസ്റ്റ് 10ന് കേസ് പരിഗണിച്ച കോടതി തുടരന്വേഷണത്തിന് സിബിഐയോട് നിര്ദ്ദേശിച്ചിരുന്നു. എന്നാല് പോലീസിന്റെ നിഗമനം ശരിവെയ്ക്കുന്ന രീതിയില് ആത്മഹത്യയാണെന്നായിരുന്നു സിബിഐയുടേയും കുറ്റപത്രം.
മരിച്ച സഹോദരിമാര് രണ്ടുപേരും ലൈംഗികപീഡനത്തിന് ഇരായയതായി പോസ്റ്റുമോര്ട്ടം റിപ്പോര്ട്ടില് കണ്ടെത്തിയിരുന്നു. വീടിന്റെ ഉത്തരത്തില് ഒമ്പത് വയസ്സുകാരിക്ക് തൂങ്ങാനാവില്ലെന്ന കണ്ടെത്തലോടെയാണ് സംശയം ബലപ്പെടുന്നത്. പോലീസ് പ്രതി ചേര്ത്തവരെ തന്നെയാണ് സിബിഐയും കുറ്റപത്രത്തില് പ്രതി ചേര്ത്തിരിക്കുന്നത്. വി.മധു, ഷിബു, എം.മധു എന്നിവരാണ് പ്രതികള്.
രണ്ടാമത്തെ പെണ്കുട്ടിയുടെ മരണവുമായി ബന്ധപ്പെട്ട കേസില് വി. മധുവും പ്രായപൂര്ത്തിയാകാത്ത ആണ്കുട്ടിയുമാണ് പ്രതികള്. 52 സാക്ഷികളെ വിസ്തരിച്ചെങ്കിലും മിക്കവരും കൂറുമാറിയിരുന്നു. 2019 ല് തെളിവുകളുടെ അഭാവത്തില് നാല് പ്രതികളെ പാലക്കാട് പോക്സോ കോടതി കുറ്റവിമുക്തരാക്കി. പിന്നാലെ വിചാരണക്കോടതി വിധി ഹൈക്കോടതി റദ്ദാക്കി. സര്ക്കാരും കുട്ടികളുടെ രക്ഷിതാക്കളും നല്കിയ അപ്പീല് അംഗീകരിച്ച കോടതി പുനര്വിചാരണക്കും ഉത്തരവിട്ടു. ഇതിന് ശേഷമായിരുന്നു കേസ് സിബിഐക്ക് കൈമാറിയത്.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
